ஏர்டெலின் மறுஅடையாளச்சூடு(Rebranding) தேவையா?

இது என் தனி ஒருவனின் கருத்து. தங்கள் கருத்து இதில் இருந்து வேறுபடலாம். முதலில் ஏர்டெலை பற்றி ஒரு சிறு பார்வை.

சுனில் பாரதி மிட்டல் 1983ஆம் ஆண்டு பாரதி குழுவை ஆரம்பித்தார். ஜெர்மனின் சிமென்ஸ்(Siemens) நிறுவனத்துடன் கூட்டு சேர்ந்து இந்திய தேவைக்கான புஷ்(push) பொத்தான் தொலைப்பேசிகளை உற்பத்தி செய்யதுவங்கினார்கள். பின்னர் 1986ஆம் ஆண்டு பாரதி தொலைதொடர்பு நிறுவனம்(Bharthi Telecom Limited) நிறுவப்பட்டது.அவர்கள் தான் இந்தியாவின் முதல் ஃபக்ஸ்(Fax) இயந்திரத்தை தயார்செய்தவர்கள்.

பின்னர் 1995ஆம் ஆண்டு முதன்முதலில் டெல்லியில் தங்கள் செவையை துவங்கினார்கள். படிப்படியாக மற்ற நிறுவனங்களை வாங்கியும், சொந்தமாக துவங்கியும் இந்தியா முழுவதிலும் தங்கள் நிறுவனத்தை வளர்த்தார்கள். இப்பொழுது இந்தியாவில் முதலாவது இடத்திலும் உலகத்தில் ஐந்தாவது இடத்திலும் உள்ளது.

இந்த நிலையில் தான் இந்தியாவில் 3G அறிமுகமானது (இதில் எவ்வளவு ஊழல் நடந்துள்ளது என்று எனக்கு தெரியவில்லை. விரைவில் செய்திகளை எதிர்பார்கிறேன் என்பது வேறு செய்தி). சமிபகாலமாக பல நிறுவனங்கள் தங்களை மீண்டும் வெற்றி பாதைக்கு கொண்டுசெல்ல அவர்களின் நிறுவனங்களை மறுஅடையாளச்சூடு(Rebranding) செய்தார்கள்.

மறுஅடையாளச்சூடு(Rebranding) என்பது தங்கள் நிறுவனங்களின் பெயர், நிறுவனத்தின் குறி(logo) மாற்றுதல், டக்(tag line) மாற்றுதல் போன்ற காரியங்களை செய்து மக்கள் மத்தியில் தங்கள் பெயரின் எண்ணத்தை மாற்ற செய்வது. பொதுவாக வர்த்தகத்தில் தொல்வியோ அல்லது தங்கள் நிறுவனங்களின் பெயரில் மக்கள் மத்தியில் உள்ள எண்ணத்தை மாற்றவே இதை உபயோகிப்பார்கள்.

ஏர்டெலுக்கு தேவையா?

ஏர்டெல் இந்திய மக்கள் இடையில் மிகவும் பிரபலமான ஒரு நிறுவனம். அதற்கு பல சாட்சிகள். அவர்கள் தான் இந்தியாவில் நெம்பர் 1. இந்த நிலையில் உலக அளவிற்கு செல்ல திட்டமிட்ட அவர்கள் ஆப்பிரிகாவில் zoin telecom என்னும் நிறுவனத்தை வாங்கினார்கள். குறிப்பு: zoin telecom ஆப்பிரிகாவில் 10 நாடுகளில் முதல் இடத்திலும், 5 நாடுகளில் இரண்டாவது இடத்திலும் உள்ளது இந்த நிலையில் அவர்களுக்கு மறுஅடையாளச்சூடு(Rebranding) தேவையா?? 300 கோடி செலவு செய்ய அவசியமா?.

அவர்கள் இந்தியாவில் பல பிரச்சனைகள். ஒழுங்கான சேவைஇல்லை. பல நேரங்களில் network பிரச்சனைகள். ஒழுங்கான வாடிக்கையாளர் சேவை இல்லை என்று மக்கள் குறை. Technical பிரச்சனைகள். தேவை இல்லாமல் 300 கோடி சேலவு செய்ததற்கு குறைகளில் அக்கறை காட்டியிருந்தால் அவர்களில் வாடிக்கையாளர் எண்ணிக்கை வளர்ந்திருக்கும்.

மேலும் அவர்களின் புதிய குறி(லொகொ-logo) மற்ற நிறுவனங்களின் இருந்து காப்பி அடித்ததாக ஒரு கருத்து. கீழே உள்ள படத்தில் பார்க்கவும்.

பல கோடிகள் செலவு செய்யும் போது மிகவும் கவனமாக இருக்கவேண்டும் அல்லவா. இந்தியாவில் தொலைதொடர்பு மிக வேகமாக வளர்கிற்து.

தற்பொழுது உள்ளது பொல இரண்டு மூன்று மடங்கு வளர்ச்சி இருக்க

வாய்ப்பு உள்ள நிலையில் ஏர்டெலின் இந்த முயற்சி தேவையா?. என் கருத்து அவர்கள்  மறுஅடையாளச்சூடு(Rebranding) செய்ததற்கு பதிலாக அவர்களின் தற்போதய சேவையை மேலும் சிறப்பாக கொடுக்க முயற்சிகள் எடுத்திருக்கலாம்.