காதல் என்றால் என்ன

துவங்கும் முன்பு நண்பர் பிரபாகரனுக்கு என்னுடைய மனமார்ந்த நன்றி. என்னை பற்றி ஒரு தனி பதிவே போட்டவர்.

நான் பல நாளா இந்த கவிதை எழுதுபவர்கள பார்த்தா எனக்கு பொறாமையா இருக்கும். என்ன யோசித்தாலும் வராது. சரி நான் ஞானசூன்யம் என்று முடிவு செய்துவிட்டேன். சரி சும்மா எழுதி தான் பார்ப்போமே என்று சில வரிகளை எழுதினேன். அட ஆயிரம் பேர கொன்னாதான் அரை வைத்தியன். நாமளும் கொஞ்சம் கவிதையை கொன்னு எப்படியாவது ஒரு கவிஞன் ஆக முயற்சி செய்யலாம்னு முடிவு செய்து இந்த பதிவ பொட்டிருக்கேன்.

சரி கவிதைக்கு போவோம்

காதல் என்றால் என்ன

என் நண்பனிடம் கேட்டேன்

அது சொன்னால் புரியாது உணரவேண்டும் என்றான்

முயற்சி செய்தேன் முடியவில்லை

மீண்டும் கேட்டேன் அவனிடம்

காதல் எப்படி இருக்கும் என்று

அதற்கு உருவம் இல்லை உணர்வு மட்டுமே என்றான்

அது எப்படி வரும் என்றேன்

ஒருவரைப் பார்த்தால் தானாக வரும் என்றான்

உத்துப்பார்த்தேன்; முறைத்துப்பார்த்தேன்

மேலே பார்த்தேன்; கிழே பார்த்தேன்

வரவில்லை எனக்கு

மீண்டும் அவனிடம் சென்றேன்

இம்முறை என்னை திட்டிவிட்டான்; என்னை

உணர்ச்சியில்லாதவன் என்று கூறிவிட்டான்

எத்தனை முயன்றும் புரியவில்லை

காதல் எனக்கு தெரியவில்லை

அது என்ன என்றும் நான் அறியவில்லை

அட ஒரு வழியா எழுதிவிட்டேன்… கவிதை எழுதறதுல கன்னி முயற்சி… அதனால படிச்சிட்டு உங்க கருத்த சொல்லிட்டு போங்க…