பச்சைத்தமிழன்

எனக்கு ஆச்சரியமூட்டிய செய்தி

2011-12-23T06:50:00.000+05:30

எனக்கு ஆச்சரியமூட்டிய செய்தி:

நான் வழக்கம் போல அலுவலகத்தில் இருந்து வந்தவுடன் இனையதளத்தில் அன்றைய செய்திகளை படித்துக்கொண்டிருந்தேன். அப்பொழுது தான் நான் கீழ்வரும் செய்தியை கண்டேன்.

சரி அதை உங்களுடன் பகிர்ந்துகொள்ளலாம் என்று தான் இந்த பதிவு.

**********************************************************************************

இன்று பல நாடுகள் செயற்கைகோள்களை விண்வெளிக்கு அனுப்பி வருகின்றன. அவற்றில் செல்போன் பயன்பாடு, ராணுவ பயன்பாடு,
உளவு என பல்வேறு காரங்களுக்காக பயன்படுத்தப்படுகிறது. சில வருடங்களுக்கு முன்பு அமெரிக்க செயற்கைகோள் ஒன்று பூமியின் குறிப்பிட்ட பகுதியை கடக்கும் பொது மட்டும் 3 வினாடிகள் ஸ்தம்பித்துவிடுகிறது. 3 வினாடிகளுக்கு பிறகு வழக்கம்போல் வானில் பறக்க ஆரம்பித்து விடுகிறது. எந்தவித பழுதும் அதன் செயற்கைகோளில், அதன் கருவிகளில்ஏற்படுவதில்லை.
இந்த சம்பவம் நாசாவிற்கு அதிர்ச்சி கலந்த ஆச்சரியதயை அளித்தது.
இது எப்படி சாத்தியம்??? - என்பதை ஆராய்ந்து, கிடைத்த முடிவு நாசாவை மட்டுமல்ல, உலகையே மிரள வைத்தது.

ஆம்! எந்த ஒரு செயற்கைகோளும் பூமியில் இந்தியாவின்-தமிழ்நாடு அருகில் உள்ள புதுச்சேரி- திருநள்ளாறு ஸ்ரீ தர்ப்பநேஷவரர் கோவிலுக்கு மேல் நேர் உள்ள வான்பகுதியை கடக்கும் 3 வினாடிகள் மட்டும் ஸ்தம்பித்துவிடுகின்றன.

அப்படி நிகழ்வதற்கு என்ன காரணம் ???

ஒவ்வொரு நாளும் ஒவ்வொரு வினாடியும் கண்ணுக்கு தெரியாத கருநீலகதிர்கள் அந்த கோவிலின் மீது விழுந்துகொண்டே இருக்கிறது.
இரண்டரை வருடங்களுக்கு ஒரு முறை நடக்கும் சனி பெயர்ச்சியின் பொது இந்த கருநீலகதிர்களின் அடர்த்தி மிகவும் அதிகமாக இருக்கும். விண்வெளியில் சுற்றி கொண்டிருக்கும் செயற்கைகோள்கள் இந்த கருநீலகதிர்கள் பாயும் பகுதிக்குள் நுழையும்போது ஸ்தம்பித்து விடுகின்றன. அதே நேரத்தில் செயற்கைகோள்களுக்கு எந்த  விதபாதிப்பும் ஏற்படுவதில்லை.

இதில்குறிபிடத்தக்க அம்சம் என்னவென்றால் இந்த கோவில்தான் இந்துக்களால் 'சனிபகவான்' தலம் என்று போற்றபடுகிறது. இந்த சம்பவத்திற்கு பிறகு நாசாவிலிருந்து பல முறை திருநள்ளாறு வந்து ஆராய்ச்சி செய்து விட்டனர். மனிதனை மீறிய சக்தி உண்டு என்பதை உணர்ந்தனர். அவர்களும் சனிபகவானை கையெடுத்து கும்பிட்டு உணர்ந்தனர்.   இன்று வரை விண்ணில் செயற்கைகோள்கள்
திருநள்ளாறு பகுதியை கடக்கும் பொது ஸ்தம்பித்து கொண்டே இருக்கிறது."

   இந்த செய்தியை கேட்டு பிரமிக்காதவர்கள் நம்முடைய முன்னோர்களை நினைத்து கட்டயம் பிரமிக்கவேண்டும். நாம் பல செயற்கைகோள்கள் கொண்டு கண்டறியும் சனிகோளின் கதிர்வீச்சு விழும் பகுதியை கண்டு பிடித்து அதற்கென ஒரு கோயிலையும் கட்டி , கதிர்வீசுகள் அதிகள் விழும் நாட்களையும் கணக்கிட்டு அதற்க்கான நாளை உருவாக்கிய நம் முன்னேர்கள் அதிபுத்திசாலிகளே...

**********************************************************************************

மேலே உள்ள செய்தி நான் இனையதளத்தில் படித்தது.

அன்புடன்

பாரி தாண்டவமூர்த்தி.

அன்புள்ள நண்பர்களுக்கு

2011-12-01T06:34:00.000+05:30

அன்புள்ள நண்பர்களுக்கு,

அனைவருக்கும் என் இனிய காலைவணக்கம். அனைவரும் நலம் தானே. வேலை பளுகாரணமாக என்னால் இத்தனை நாள் எழுத முடியவில்லை. வேலை புதிது மற்றும் வேலைக்கு நான் புதிது ஆகிய இரண்டு காரணங்களால் என்னால் எழுத முடியாமல் போய்விட்டது. இப்பொழுது தான் வேலை கொஞ்சம் கொஞ்சமாக பழகிவிட்டதால் இனி முடிந்த வரை மீண்டும் எழுதலாம் என்று இருக்கிறேன்.

வேலைக்கு சேரும் முன் ”எப்படா வேலைக்கு சேரப்போகிறோம் என்று தான் எப்பொழுதும் எண்ணம் இருக்கும். வீட்டுல இருக்குறவங்க சும்மா இருந்தாலும் பக்கத்துவீட்டுல எதிர்வீட்டுல இருக்குறவங்களாம் ”என்னப்பா இன்னமும் வேலைக்கு போகலனு கேக்கும் போதெல்லாம் ’பப்பி ஷேமா’ இருக்கும், மானம் போகும். இப்பொழுது எப்படா வேலை முடியும், வீட்டுக்கு போகலாம் என்னும் எண்ணம் வந்துவிட்டது. சரி புதியவன் என்பதால் வேலை பழக நேரம் எடுக்கும் அதுவரைக்கும் கொஞ்சம் சிரமம் தான்.

நான் எழுதாத நேரத்திலும் என்னை நினைவில் கொண்டு சில நண்பர்கள் ஏன் எழுதுவதில்லை என்று என்னிடம் விசாரித்தார்கள். அவர்களுக்கு என் நன்றிகள் பல. இபோதைக்கு இத்துடன் முடிக்கிறேன். மீண்டும் உங்களை அடுத்த பதிவில் உங்களை சந்திக்கிறேன்.

அன்புடன்

பாரி தாண்டவமூர்த்தி.

இவங்க தொல்லை தாங்க முடியல

2011-09-07T11:59:00.000+05:30

இந்த லோன் கொடுக்குறவங்களோட தோல்லை ரொம்ப அதிகமாயிடிச்சி. முன்னெல்லாம் வங்கிகள் தான் சார் இந்த லோன் எடுத்துக்கோங்க, அந்த லோன் எடுத்துக்கோங்கனு சொல்லுவாங்க. இப்ப எல்லாம் யார்யாரோ, எதோதோ பேர் சொல்லுறாங்க.

அப்படி தான் ஒருநாள் எங்க வீட்டு LANDLINEனுக்கு ஒரு போன் வந்துச்சி. நான் தான் எடுத்தேன். போன்ல ஒரு பொன்னு சார் உங்க பேரு என்ன அப்படினு கேட்டுச்சி. உடனே நான் நீங்க தான் போன் பண்ணீங்க. போன் பண்ணிட்டு என் பேர் கேட்டா எப்படினு சொன்னேன். உடனே அவங்க எதோ ஒரு FINANCIAL INSTITUTION (அதாவது பணம் சம்பந்தமா எதோ பண்றாங்கப்பா ..எனக்கு சரியா தெரியல) பேர சொல்லி. சார் உங்க வீட்டு போன் நம்பருக்கு ஒரு லோன் விழுந்திருக்கு. உங்க பேரு, வீட்டு முகவரி சொன்னா போதும் அப்படினு சொன்னாங்க. (போனுகெல்லாம் லோன் விழுதுப்பா)

நான் படிச்சிட்டு இருக்கேன்னு சொன்னதும் அவங்க உடனே என்னோட அப்பா பேரு, அவர் என்ன பன்றார் அப்படினு கேட்டாங்க உடனே நான் எங்களுக்கு லோன் எதுவும் வேண்டாம் அப்படினு சொல்லிட்டு கட்பண்ணிட்டேன். அப்புறமும் விடாம ரெண்டாவது தெடவையா கால் பண்ணவும் எனக்கு கோபம் வந்து திட்டவும் அப்புறம் போன் காலே வரல.

இதுகூட பரவல்லைங்க லோன் தான். ஆன சில சமயம் இந்த இன்சூரன்ஸ் கம்பனியிலிருந்து போன் பண்ணி சார் எங்க கம்பனி இன்சுரன்ஸ் ஒன்னு எடுத்திடுங்க அப்படீனு சொல்லி தொல்ல பண்ணுவாங்க. உச்சகட்டமா சார் நீங்க திடீர்னு செத்து போயிட்டாலோ, இல்ல விபத்து ஏற்பட்டு எதாவது ஆயிட்டாலோ இந்த இன்சூரன்ஸ் உங்களுக்கு உதவும் அப்படீனு சொல்லுவங்க. எனக்கு அப்படியே ஒரு கோபம் வரும் பாருங்க. 23 வயசுல செத்துபோயிட்டா அப்படீனு சொன்னா எவ்வளவு கோபம் வரும். இவங்களுக்கு எப்படி நம் போன் நம்பர் கிடைக்கும்???. குத்துமதிப்பா ஒரு நம்பர் போட்டு பேசுவாங்கலா இல்ல இந்த போன் கம்பனிகளுக்கு எதாவது காசு கொடுத்து கரக்ட் பண்ணி நம்பர் வாங்கி போன் பண்ணுவாங்களா. எதுவா இருந்தா என்ன இவங்க தொல்லை தாங்க முடியல.

அன்புடன்

பாரி தாண்டவமூர்த்தி

தடுக்கப்படவேண்டிய தற்கொலைகள்

2011-08-30T12:28:00.001+05:30

எல்லாவற்றிற்கும் தற்கொலை பதிலாகாது. மற்றவரின் பார்வையை, ஆதரவை தன் பக்கமும் தன் கோரிக்கையின் பக்கமும் திருப்ப இது போல தவறான எண்ணங்களை நாம் ஆதரிக்ககூடாது. முன்னர் முத்துக்குமரன், இப்பொழுது செங்கொடி. நாளை???

எதையும் சட்டரீதியாக சந்திக்கவேண்டும். இறந்த அந்த இரண்டு பேருக்கும் என் ஆழ்ந்த அனுதாபங்கள். ஆனால் அவர்கள் செய்தது முற்றிலும் தவறான ஒன்று. அவை உணர்ச்சிவசப்பட்டு எடுக்கப்பட்ட முடிவு. அவர்களை இழந்து தவிக்கும் அந்த குடும்பம் என்ன பாடுபடும்?

இவர்களின் இந்த முடிவு தவறானது என்பது நாம் மறுக்கமுடியாத உண்மை. இதை போல அடுத்த சில தற்கொலைகள் ஏற்படும் முன் நாம் இதை தடுத்தாகவேண்டும். இது போல எண்ணங்கள் இளைஞர்களுக்கு வரக்கூடாது.

தற்கொலை செய்து கொள்வது சட்டபடி தவறு. இந்திய அரசியல் சாசன சட்டப்படி அது ஒரு குற்றம். இவ்வாறு தற்கொலைக்கு முயல்பவர்களை காவல்துறை கைது செய்துவிடும். இப்பொழுது கூட மதுரையில் பேரரிவாளன், முருகன், சாந்தன் ஆகியவர்களை விடுதலை செய்ய சொல்லி மூன்று சட்டக்கல்லூரி மாணவர்கள் தற்கொலைக்கு முயல அவர்கள் கைதுசெய்யப்பட்டார்கள்.

வாழ வேண்டிய வயதில் பிரச்சனைகளுக்கு போராடாமல் இது போல தற்கொலைக்கு முயல்வது ஒரு மூடத்தனம். இதை நாம் ஆதரிக்கவே கூடாது. எதையும் சட்டபடி செய்யவேண்டும். நம் செய்கைகள் மற்றவர்களை நல்வழியில் கொண்டு செல்லவேண்டுமே தவர அவர்களியும் தவறு செய்ய தூண்டிவிடக்கூடாது. இறந்து போன ஆன்மாக்கள் சாந்தியடைய நாம் பிராத்தனை செய்யும் இந்த நேரத்தில், இது போல எண்ணங்கள் என்றும் ஆதரிக்க மாட்டோம் என்று உறுதிகொள்ளவேண்டும்.

அன்புடன்

பாரி தாண்டவமூர்த்தி.

முதலில் நாம் மாறுவோமா?

2011-08-29T13:32:00.000+05:30

இன்னைக்கு நம்ம நாட்டுல ரொம்ப முக்கியமான நிகழ்வு அன்னா ஹசாரேவின் போராட்டம். ஒரு வழியா அது முடிஞ்சிபோச்சி. இந்தியா முழுவதும் அதற்கு ஆதரவு. சாதாரண மக்களில் இருந்து சினிமா நடிகர்கள் வரை எல்லோரும் இதற்கு ஆதரவு. எதோ ஊழல ஒழிக்கனும் ஒழிக்கனும்னு கத்திக்கிட்டு இருக்கோம். லஞ்சமா வாங்கின கறுப்பு பணத்தை இந்தியாவிற்குள் கொண்டு வரனும். அதுக்கு வேற ரமணா மாதிரி கணக்கு தராங்க. அந்த பணம் வந்துட்டா நமக்கு 10 வருசம் வரி தேவையில்லையாம், பெட்ரோல் 25 ரூபாய்க்கு தருவாங்கலாம். என்னமா சொல்லுராங்க. சொல்லுரவங்கலை எல்லாம் நான் கேட்டுரேன்(என்னையும் சேர்த்துதான்), நாம எத்தன பேர் இதுவரைக்கு லஞ்சம் வாங்குனதோ கொடுத்ததோ இல்லை. சத்தியமா சொல்லுங்க. குழந்தைகிட்ட கூட நீ இத பண்ணா நான் இதை செய்வேனு சொல்லி எல்லாத்துக்கும் எதாவது கிடைக்கும்னு எதிர்பார்க்க வைத்துவிடுகிறோம்.

நம்ம ரேஞ்சுக்கு அஞ்சாயிரம், பத்தாயிரம் வாங்குனா, நம்மள மாதிரி லட்சம் பேரு ஓட்டு போட்டு MLA, MP ஆகுறவங்க அவங்க ரேஞ்சுக்கு கோடியில வாங்குராங்க. அதுக்கும் யார் காரணம். நாமதான். அவனுக்கு ஓட்டு போட கூட நாம அவங்ககிட்ட இருந்து பணம், பொருள்னு எவ்வளவு வாங்கியிருக்கோம். அப்புறம் அவன் எங்க பணத்த சுருட்டிட்டான், முழுங்கிட்டான் அப்படினு போலம்பரது. முதலில் நாம சுத்தமா இருக்கனும்., அப்புறம் மத்தவங்கல பத்தி பேசனும்.

அன்னா ஹசாரேவின் போராட்டத்துல அவருக்கு ஆதரவு தரோம்னு போய் இருந்தவங்கல்ல பலபேருக்கு ஜன் லோக்பால் பத்தி பாதி தெரியாது. அரசாங்கம் என்ன சொல்லியிருக்காங்க, அன்னா ஹசாரேவின் ஜன் லோக்பால்ல என்ன இருக்கு எதுவுமே தெரியாது. அதனாலதான் அவங்கலே அதை மக்களுக்கு விளக்கி சொன்னாங்க.(எனக்கும் எதுவும் தெரியாது என்பது உண்மை). சும்மா நாமும் அதரவு தரோம்னு சீன் போட்டுகிட்டு போய் உட்கார்ந்துகிறது.

எத்தனபேர் பொறியியல் கல்லூரியிலேயோ, மருத்தவ கல்லூரியிலேயோ, அல்லது வேறு ஏதாவது படிக்கவோ CAPITATION அதாவது DONATION தந்திருக்கோம். நாம மட்டும் தப்பு செய்யலாம் ஆனா மத்தவன் செய்தா நமக்கு வலிக்குது. அது கூட ஏன்னா அவன் நிறைய சம்பாதிக்குறான். நமக்கு கொஞ்சமா கிடக்குதுங்கிற வயித்தெறிச்சல். அதான் காரணம்.. வேர ஒன்னும் இல்லை

இறுதியா நான் என்ன சொல்லுரேன்னா நானும் அன்னா ஹசாரே சொல்லுர மாதிரி ஊழல் ஒழியனும் என்பதை ஒத்துகிறேன். ஆனா அதுக்கு முதலில் நாம மாறனும். அப்புறம் மத்தவங்களுக்கு நாம சொல்லலாம். எல்லாம் மாற்றமும் வீட்டில் இருந்து தான் என்பது என் கருத்து.

ஜெய் ஹிந்த்.

அன்புடன்

பாரி தாண்டவமூர்த்தி

இந்தியாவில் நடந்த மோசடிகள் சில

2011-08-28T10:13:00.001+05:30

இது எனக்கு மின்னஞ்சலில் வந்திருந்தது

அமைதியின் நாடாக இருந்த நம் இந்திய நாடு இப்பொழுது மோசடிகளின் நாடாக மாறிவிட்டது.
இங்கே நம் இந்தியாவில் நடந்த சில மோசடிகள் உங்களுக்காக

இந்த தொகையை பார்த்தால் எனக்கு மயக்கமே வருகிறது. நாம் யோசிக்கவேண்டிய விஷயம் இது.

அன்புடன்

பாரி தாண்டவமூர்த்தி

ரயிலில் ஒரு திகில் அனுபவம்

2011-07-30T15:49:00.000+05:30

இது சில நாட்களுக்கு முன்பு எனக்கு நடந்த ஒரு அனுபவம். அன்று நான் எர்னாகுலத்தில் இருந்து காட்பாடிக்கு வந்து கொண்டிருந்தேன். ஆலப்புழா எக்ஸ்பிரஸில் வந்து கொண்டிருந்தேன். மாலை 5.30 மணிக்கு எர்ணாகுளத்தில் இருந்து ரயில் வண்டி கிளம்பியது. நான் ஏறியதில் இருந்து இரண்டாவது நிறுத்தத்தில் இருந்து ஒரு நபர் வண்டியில் ஏறினார். பார்ப்பதற்கு அப்பாவி போல் இருந்தார்(உண்மையாகவும் இருக்கலாம்.) சிறிது நேரம் கழிந்த பிறகு அவருக்கு சில தொலைபேசி அழைப்புகள் தொடர்ந்து வந்து கொண்டிருந்தது. அவரும் தான் பேசுவது யாருக்கு கேட்கக்கு கூடாது என்பதைப்போல மிகவும் மெதுவாக பேசிக்கொண்டிருந்தார். நேரம் செல்ல செல்ல அவர் ஒரு விதமாக நடந்து கொண்டார். கைகடிகாரத்தை பார்ப்பதும் தான் கொண்டுவந்த பையை பார்ப்பதுமாக இருந்தார். பிறகு என்னையும் ஒரு மாதிரி பார்த்தார். திடீரென ஒரு நிறுத்தத்த்ல் அவர் மேல உள்ள பெர்த்தில் இருந்து இறங்கி எங்கோ சென்றுவிட்டார். வண்டி கிளம்பியும் அவர் வரவில்லை. அன்று தான் நான் ரயில் நிலையத்தில் இருந்து கிளம்பும் முன்னர் ஏதோ ஒரு இடத்தில் ரயிலில் குண்டு வெடித்ததாக செய்தி படித்திருந்தேன். ரயில் கிளம்பியும் அவர் வராததால் எனக்கு மிகவும் பயம் வந்துவிட்டது.

அப்பொழுது மணி இரவு 7.50. நான் ஒருவேலை சரியாக 8.00 மணிக்கு வெடிப்பது போல வைத்திருப்போரோ என்று எண்ணி மிகவும் பயந்து கொண்டிருந்தான். மணி எட்டை கடந்தது. ஒருவேளை ஒன்பது மணிக்கு வெடிப்பது போல வைத்திருப்ப்பாரோ என்று எனக்குள் ஒரு பயம். எனக்கு வேர்த்துக்கொட்ட ஆரம்பித்துவிட்டது. ரயிலில் உள்ள காவலரிடம் இதை பற்றி கூறலாமா என்று கூட யோசித்தேன். மணி ஒன்பதை தாண்டியது. பயம் மேலும் அதிகரித்து விட்டது. அந்த மனிதரும் வரவில்லை. ஒருவேளை பத்து மணிக்கு மேல் வெடிக்குமோ என்று எனக்கு ஒரு எண்ணம். ஏனெனில் அதன் பிறகு ரயில் தமிழகத்திற்குள் வண்டி வந்து கொண்டிருந்தது. எனக்கு மரண பயம். அந்த நேரம் பார்த்து அங்கு ஒரு காவலர் வந்தார். அவரிடம் சொல்லலாம் என்று நினைப்பதற்குள் வண்டி ஒரு நிறுத்தத்தில் நின்றது. அவரும் இறங்கிவிட எனக்கு என்ன செய்வது என்றே தெரியவில்லை.

இறுதியாக நானே சென்று ஏதாவது ஒரு காவலரை கூட்டிக்கொண்டு வந்துவிடலாம் என்று நினைத்து என் மேல் பெர்த்தில் இருந்து கீழே இறங்கியதும் வண்டி கிளம்பிவிட்டது. அந்த நேரம் அந்த பைக்கு சொந்தக்காரரான அந்த மர்ம நபர் நான் இருந்த பெட்டியில் ஏறி தன் பெர்த்தில் படுத்துக்கொண்டார். பின்புதான் என் மனம் நிம்மதி அடைந்தது. அதன் பிறகு நான் தூங்கவே இல்லை. இந்த திகில் பயணத்தை என் வாழ்க்கையில் நான் மறக்கவே முடியாது.

அன்புடன்

பாரி தாண்டவமூர்த்தி

அழிந்து போன ஃபைல்களை மீட்டு எடுக்க உதவும் மென்பொருள்

2011-06-24T17:46:00.000+05:30

பல நேரங்களில் நாம் மறாதியாக சில தேவையான ஃபைல்களை நம் கண்ணியில் இருந்து அழித்துவிடுவோம். அப்படி தெரியாமலோ, தேவை இல்லை என்று நாம் கருதி அழித்த ஃபோல்டர்களையோ, ஃபைல்களையோ மீட்டு எடுக்க உதவும் மென்பொருள் தான் ரெகுவா

இதை ஒருமுறை நம் கணிணி Install செய்துவிட்டால் போதும் அழித்த ஃபைல்களையோ ஃபோல்டர்களையோ திரும்ப எடுத்துவிடலாம். ஆனால் ஏற்கனவே இருந்த ஃபோல்டெரை அழித்து விட்டு வேறு ஒரு ஃபோல்டெரையோ ஃபைலையோ அங்கு சேமித்து வைத்திருந்தால் திரும்பப்பெருவது சிரமம் .

இதை கண்ணியில் Install செய்வதும் உபயோகிப்பதும் மிகவும் எளிது.

உபயோகிக்கும் முறை:

முதல் படியாக தேவையான மொழியை தேர்ந்தெடுக்கவும்

அடுத்த தேவையான ஃபல் வகையை தேர்ந்தெடுக்கவும்

அடுத்து அந்த ஃபைல் அல்லது ஃபோல்டெர் இருந்த இடம் உங்களுக்கு தெரியுமானாலை அதற்கு ஏற்றார்போல் தேவையான option-ஐ தேர்ந்தெடுக்கவும்.

பிறகு மேலே உள்ளது போல ஒரு dialog box வரும். அதில் start அழுத்திவிட்டால் அதன் பிறகு process முடிந்து அழிந்து போன ஃபில் ஃபோல்டர்கள் ஒரு dialog box-இல் வரும். தேவையானவற்றை தேர்வு செய்து Recover என்னும் பொத்தானை அழுத்தினால் அழிந்து போனது திரும்ப வந்துவிடும்.

இந்த மென்பொருளை பதிவிறக்கம் செய்ய

http://www.piriform.com/recuva/download/standard

அன்புடன்

பாரி தாண்டவமூர்த்தி

நான் அடித்த அரைசதம்

2011-06-17T18:35:00.000+05:30

நானும் அரைசதம் அடிச்சுட்டேன். கிரிக்கெட்ல இல்லைங்க பதிவுலகத்துல. எப்படியோ நானும் நாற்பத்தி ஒன்பது பதிவு போட்டுட்டேன். இது என் ஐம்பதாவது பதிவு. அதான் அரைசதம் பதிவு இது. இத்தனை நாளா எனக்கு ஆதரவளித்த அத்தனை பேருக்கும் நன்றி நன்றி நன்றி.

நானும் எதுவுமே தெரியாமல் அம்பது பதிவு போட்டுட்டேன். இப்ப கொஞ்ச நாளா internet connection இல்ல. அதனால பதிவு எதையும் போட முடியறதில்லை. இனி முடிந்த அளவுக்கு பதிவுகள் இட முயற்சி செய்கிறேன். நான் எழுதாத இந்த நேரங்களிலும் என்னைப்பற்றி வலைச்சரத்தில் குறிப்பிட்ட அன்பு சகோதரர் தம்பி கூர்மதியன் அவர்களுக்கும், Lashmi அவர்களுக்கும் என் மனமார்ந்த நன்றிகளை தெரிவித்துக்கொள்கிறேன். அப்புறம் நான் ஏன் எழுதறது இல்லைனு சொல்லி என்னை விசாரித்த வேடந்தாங்கல் கருண் அவர்களுக்கும் இந்த அம்பதாவது பதிவில் நன்றியை தெரிவித்துக்கொள்கிறேன்.

நன்றி சொல்ல நிறைய பேர் இருக்காங்க. நான் வலைபூவில் எழுதுவதற்கு முக்கிய காரணமான நண்பன் பிலாசபி பிரபாகர், அரசர்குளத்தான் கஸாலி அவர்கள், நண்பர் தமிழ்வாசி பிரகாஷ் அவர்கள், என்னை வலைசரத்தில் அறிமுகம் செய்த எல்.கே அவர்கள் மற்றும் எனக்கு ஆதரவளித்த அனைவருக்கும் நன்றிகள் பல. என்னையும் மதித்து வலைச்சரத்தில் ஒருவார ஆசிரியராக்கிய சீனா ஐயா அவர்களுக்கும் என் நன்றியை தெரிவித்துக்கொள்கிறேன்.

அப்படியே இன்னைக்கும் ஒரு பதிவை தேத்திட்டேன். விரைவில் அடுத்த பதிவுடன் உங்களை சந்திக்கிறேன்.

அன்புடன்

பாரி தாண்டவமூர்த்தி.

பழனியில் நடக்கும் கொள்ளை

2011-05-25T18:47:00.000+05:30

கடந்த மாதம் என் நண்பன் ஒருவன் பழனி முருகர் கோயிலுக்கு போயிருந்தான். மனம் உருகி இறைவனை வேண்ட போயிருந்தவனுக்கு அங்குள்ள வியாபரிகள் தந்த தொல்லையில் மனம் நொந்து வந்தான். கோயிலுக்கு போகும் வழியெல்லாம் பொருட்கள் விற்பனை செய்யும் நபர்களால் தொல்லை ஏற்பட்டதாக மன வருத்தத்துடன் தெரிவித்தான். அங்கு கோயிலுக்கு வரும் நபர்களை முதலில் காலனிகளை விடச்சொல்லுவது பிறகு அவர்களிடன் அர்ச்சனை தட்டு 290 ரூபாய் என்று விற்பது. பிறகு அதற்கு ஒரு ரசிது தந்துவிடுவது. அதற்கு பிறகு அதே போல செருப்பு விடச்சொல்லுபவர்களிடன் அந்த ரசிதைகாட்டவேண்டும் இல்லையேல் மேலும் ஒரு அர்ச்சனை தட்டு வாங்க சொல்லுவது என ஒரே கொள்ளை

அது மட்டும் இல்லாமல் கோயிலுக்கு போகும் வழியில் உள்ள இடங்களிலும் உள்ள சிறு சிறு கோயில்களின் பூசாரிகளும் மக்களை மிரட்டி பணம் கேட்கும் நிலைமை அங்கு உள்ளதாக என் நண்பன் மன வருத்தத்துடன் கூறினான். இது இல்லாமல் நடக்கும் போது ஸ்படிக மாலை, ருத்ராட்ச மாலை போன்ற பொருட்களை மக்களின் விருப்பம் இல்லாமல் அவர்களின் தோலில் போட்டுவிட்டு அதற்கு காசு கேட்பது அங்கு இருப்பதாக தெரிகிறது.

பழனி கோயிலுக்கு சென்றால் நிச்சயம் 500 முதல் 1000 ரூபாய் வரை தேவையில்லாமல் செலவாகும் நிலை உள்ளது. மன சாந்தி அடைய கோயிலுக்கு வரும் பக்தர்களிடத்தில் இது போல செய்வதால் அவர்களின் நிம்மதி குறைந்து மீண்டும் இந்த கோயிலுக்கு வர வேண்டும் என்கின்ற எண்ணமும் அவர்களுக்கு வராது. மேலும் பலரிடம் இதைப்பற்றி சொன்னால் அவர்களும் அங்கு சொல்லும் எண்ணத்தை கைவிட நேரலாம். இதை கோயில் நிர்வாகம் கவனித்து சரி செய்யுமா?. இதுபோல தொல்லைகளில் இருந்து மக்களை காப்பாற்றுவார்களா???

அன்புடன்
பாரி தாண்டவமூர்த்தி

எங்க ஊருக்கு வந்த காதல் சின்னம்

2011-05-23T18:44:00.000+05:30

காதல் சின்னம்னு சொன்னா எல்லாருக்கு நினைவுக்கு வருவது தாஜ்மகாலும் ரோஜாவும் (நான் ரோஜாபூவ சொன்னேன். யாராவது வேர நினைசீங்கன்னா அதுக்கு கம்பனி பொறுப்பாகாது). ரோஜா எல்லா ஊரிலேயும் இருக்கும் ஆனா தாஜ்மகால் ஆக்ராவில் மட்டும் தான் இருக்கும். ஆனா இப்ப அது வேலூருக்கும் வந்துருச்சி

வேலூர் கோட்டையில் ஒரு பெரிய மைதானம் இருக்கு. எப்ப எந்த கட்சி கூட்டம் வேலூர்ல நடந்தாலும் அது அங்க தான் நடக்கும். சாதாரணமா அங்க எப்ப இந்த பள்ளிக்கூட லீவு விடுர நாள் வந்தாலும் பொருட்காட்சி வச்சிடுவாங்க. ஆனா இந்த முறை அங்க கூடுதலா தாஜ்மகால் மாதிரிய செஞ்சி வச்சியிருக்காங்க. நல்லா இருக்குங்க. உண்மையான தாஜ்மகால நான் எப்ப பார்ப்பேன்னு தெரியாது. ஆனா அது வரைக்கும் இந்த தாஜ்மாகலின் நினைவு இருக்குங்க. என்ன சாதாரனமா 5 ரூபா வாங்குர துக்கு பதிலா இப்ப முப்பது ரூபா வங்குராங்க அது தான் வருத்தமா இருக்கு. பரவாயில அப்படியோ நானும் தாஜ்மகால பாத்துட்டேன். அது பக்கத்துல இருந்து போட்டோ எடுத்துக்கிட்டேன். இது போல வரலாற்று சிறப்புமிக்க தலங்களின் மாதிரிகளை செய்து வைப்பது சிறப்பான ஒரு ஐடியா தான். நிச்சயமா இதுவரை சம்பாதித்ததில் இந்த முறை தான் அந்த நிர்வாகம் அதிகமான லாபம் ஈட்டியிருக்கும். இதே போல மற்ற இடங்களிலும் பொருட்காட்சி போடுபவர்கள் பின்பற்றலாம்.

அன்புடன்

பாரி தாண்டவமூர்த்தி.

மீண்டும் நான்

2011-04-23T11:09:00.000+05:30

எல்லோருக்கும் வணக்கம்…..

கடந்த ஒரு மாதமாக எனக்கு கல்லூரி மூன்றாம் செமெஸ்டர் தேர்வு நடந்ததால் என்னால் வலைபூவில் எழுதமுடியாமல் போய்விட்டது. அது ஒருவழியாக வரும் திங்கள் கிழமையுடன் முடிவடைகிறது. அதனால இனி மீண்டும் தொடர்ந்து எழுதலாம் என்று இருக்கிறேன்.

இதுவரை எனக்கு ஆதரவளித்த அனைவருக்கும் என் நன்றிகள். இனியும் எனக்கு நீங்கள் தொடர்ந்து ஆதரவு அளிக்க வேண்டும் என கேட்டுக்கோள்கிறேன்…..

இன்று திங்கள்கிழமை தேர்வுக்கு தயாராகிக்கொண்டிருப்பதால்....

வீடியோ மட்டுமே

அன்புடன்

பாரி தாண்டவமூர்த்தி….

OPERATION ஆரியபட்டா இறுதி பாகம்

2011-03-21T07:26:00.001+05:30

இந்த கதையின் முதல் பாகம், இரண்டாம் பாகம் , மூன்றாம் பாகம், மற்றும் நான்காம் பாகம்...

மேலும் விசாரித்த பொழுது ராஜெஷுக்கு தெரியவந்த ஒரு விஷயம் அவரை அதிர்ச்சிக்குள்ளாக்கியது

அது தற்கொலை செய்து கொண்டதாக சொல்லப்பட்ட குழு தலைவர் திரு. திலிப் அவர்கள் கையில் மணிகட்டில் ஒரு தழும்பு உள்ளது என்னும் விஷயம். அதிர்ச்சியில் உறைந்தே போனது ஒட்டுமொத்த சி.பி.ஐ யும். எதற்காக அவர் அப்படி செய்தார். அப்பொழுதுதான் ஒரு விஷயம் ராஜேஷின் கண்ணுக்கு தெரிந்தது. தற்கொலை செய்துகொண்டதாக சொல்லப்பட்ட திலீபின் உடல் முற்றிலும் எரிந்து விட்டதால் அதை யாரும் சோதனை செய்யமுடியவில்லை. அங்கே இருந்த ஒரு கடிதத்தில் விண்கலம் வெடித்து விட்டதால் தன்னால் வருத்தம் தாங்க முடியவில்லை என்றும் அதனால் தான் தற்கொலை செய்து கொல்வதாகவும் எழுதியிருந்ததைக்கண்டு தான் அது திரு திலீப் என்று அனைவரும் முடிவு செய்தார்கள்.

உடனே விரைந்து செயல் பட்ட ராஜேஷ், விண்கலம் வெடித்த அந்த கால கட்டத்தில் அதாவது திலீப் தற்கொலை செய்துகொண்டதாக சொல்லப்பட்ட காலத்தில் இந்தியாவில் இருந்து வெளிநாட்டிற்கு போன அனைவரையும் விமானதளத்தில் வைக்கப்பட்டிருந்த காமிராவில் பதிவான வீடியோவில் சோதனை செய்தார். அப்பொழுது அதில் திரு திலீப்பின் உருவம் தெரியவர அவர் அதிர்ச்சியில் உறைந்தே போனார்.

மேலும் விசாரனையில் அவர் ஆஸ்திரேலியா சென்றுள்ளது தெரியவர அங்குள்ள காவலர்கள் உதவியுடன் திலீப்பை கைது செய்தார்கள். இந்த செயலை செய்ய அவருக்கு பல ஆயிரம் கோடி ரூபாய் தரப்பட்டுள்ளது. தான் இறந்து விட்டது போல ஒரு மாயையை உருவாக்கி ஆஸ்திரேலியாவில் வந்து தங்கி சந்தோஷமாக இருக்க நினைத்தார். இது போல விசாரனை வராமல் இருக்க திலிப்பே கணித வல்லுநர் திரு சாமியின் பெயரில் பல கோடி மதிப்புள்ள சொத்தை அமரிக்காவில் வாங்கியுள்ளார். உண்மை குற்றவாளி பிடிபட்டவுடன் சிறையில் இருந்து கணித வல்லுநர் திரு சாமி அவர்கள் விடுதலை செய்யப்பட்டார்.

சிறப்பாக செயல் பட்ட சி.பி.ஐ அதிகாரி திரு. ராஜேஷ் அவர்கள் இந்திய அரசால் கவுரவிக்கப்பட்டார். மேலும் திரு சாமி அவர்களிடம் இந்திய அரசும், ஓய்வு பெற்ற நீதிபதியும் தண்டனை தந்தவருமான திரு ராதாராமன் அவர்கள் பகிரங்கமாக வருத்தம் தெரிவித்தனர்.

இத்துடன் இந்த கதை முடிந்தது.

*********************************************************************************************

அன்புடன்

பாரி தாண்டவமூர்த்தி

முந்தைய பதிவு

55 தொகுதி கொடுத்தாலும் வேண்டாம்...

படிச்சிட்டு சும்மா போன எப்படி....அப்படியே உங்க ஓட்ட போட்டுட்டு போங்க....கருத்தும் சொல்லுங்க.....

55 தொகுதி கொடுத்தாலும் வேண்டாம்

2011-03-19T00:56:00.001+05:30

இன்னைக்கி நகைச்சுவையா எதாவது சொல்லலாமுனு பார்த்தேன். அத விட நீங்க வீடியோவா பார்த்த நல்லா இருக்கும்னு தான் சில வீடியோக்களை சேர்த்திருக்கிறேன்.

தாங்க முடியலடா சாமி

அப்படியே இவரையும் பாருங்க.....

அப்புறம் அந்த தலைப்பு பத்தி சொல்லவே இல்லையேனு நீங்க நினைக்கலாம்.

அட அது நம்ம கார்த்திக் சாரு(!!!) கொடுத்த பேட்டியில அ.தி.மு.க 55 தொகுதி கொடுத்தாலும் அவர்களோட நாங்க கூட்டணி வச்சிக்க மாட்டோம் அப்பிடினு சொல்லியிருக்கிறார். (கூடவே கோ.பா.சே வா இருந்த வைகோவிற்கே ஒண்ணும் தரல. இவருக்க 55...அவருக்கு மனசாட்சியே இல்லாம எப்படிதான் பேசிராரோ???......)

வைகோ அவர்களின் கதி???

தினமலர்

அன்புடன்
பாரி தாண்டவமூர்த்தி

படிச்சிட்டு அப்படியே போகாம, உங்க கருத்தையும் சொல்லிட்டு

போங்க.....அப்படியே ஓட்டும் போட்டுட்டு போங்க......

OPERATION ஆரியபட்டா பாகம் 4

2011-03-14T09:30:00.002+05:30

இதன் முதல் பாகம் படிக்க இங்கேவும், இரண்டாம் பாகம் படிக்க இங்கேவும் மூன்றாம் பாகம் படிக்க இங்கேவும் அழுத்தவும்

அந்த குழுவில் மொத்தம் எட்டு பேரில் நான்கு பேர் இடது கை பழக்கம் உடையவர்கள். அவர்களில் ஒருவர் அந்த குழுவில் தலைவர். அவர் விண்கலம் வெடித்த செய்தி கேட்டு தற்கொலை செய்து கொண்டார். ஆக மீதி உள்ள மூன்று பேருடன் விசாரனையை துவங்குகிறார் சி.பி.ஐ. அதிகாரி ராஜெஷ்.

அதில் முதலில் இயற்பியல் வல்லுனர் திரு. டிசௌசா அவர்கள். அவர் குறிபிட்ட அந்த காலகட்டத்தில் தன்னுடைய வேலை முடிந்துவிட்டதால் தன்னுடைய மகனின் மருத்துவ சிகிச்சைக்காக இங்கிலாந்து சென்றுவிட்டார் என்பது விசாரனையில் தெரியவருகிரது. அதனால் அவர் அந்த சந்தேக பட்டியலில் இருந்து விலக்கப்பட்டார்.

அடுத்து வானவியல் வல்லுநர் திரு. அருண் அவர்கள். அவர் அறிவாளி. ஆனால் அப்பாவி. இன்னமும் வாடகை வீட்டில் உள்ளார். இந்த விண்கல முயற்சி வெற்றி அடைந்தால் இவருக்கு ஒரு வீடு வழங்கப்படும் என மத்திய அரசு அறிவித்திருந்தது. மேலும் இவரைப்பற்றி விசாரித்ததில் இவர் யாருக்கு எந்த வகையிலும் தொந்தரவு செய்யாத மனிதர் என்று தெரியவருகிறது. மேலும் இவர் அந்த காலகட்டத்தில் வலது கரத்தில் ஒரு விபத்தில் அடிபட்டு ஒரு கட்டுடன் இருந்துள்ளார். ஆனால் அந்த வீடியோவில் வந்த அப்படி எந்த கட்டும் இல்லாததால் இவரும் இல்லை என்றூ ஆகிவிட்டது.

அடுத்து மிச்சம் உள்ள ஒருவர் பொறியியல் வல்லுநரான திரு இம்ரான் அவர்கள். இவர் தன் கண்டுபிடிப்புகளை நாட்டுக்காக அர்பணித்தவர். தனக்கு என்று எதுவும் வைத்துக்கள்ளாமல் தன்னால் இயன்ற அளவு மக்களுக்கு கொடுத்தவர். திருமணமாகாதவர். இவர் ஆள் கொஞ்சம் குட்டை. ஆனால் அந்த வீடியோ பதிவில் உள்ளவர் நல்ல உயரமான ஆசாமி. அதனால் இவரும் இல்லை என்று ஆகிவிட்டது.

ஆக அந்த மூன்று பேரும் இல்லை என்று ஆகிவிட்டது. அந்த கோப்புகளை வைத்திருந்த இடத்திற்கு அந்த அவர்களைத்தவிர உள்ளே நுழைய யாருக்கும் அனுமதி இல்லை. அகையால் சி.பி.ஐ. யே குழம்பிவிட்டது. அப்பொழுது தான் ராஜெஷ் ஒரு விஷயத்தை கவனித்தார். அந்த வீடியோவில் உள்ள நபருக்கு வலது கை மணிகட்டில் ஒரு தழும்பு இருந்ததை. மிகவும் சிறியதாக இருந்ததால் அதை யாரும் இத்தனை நாள் கவனிக்கவில்லை.

   மேலும் விசாரித்த பொழுது ராஜெஷுக்கு தெரியவந்த ஒரு விஷயம் அவரை அதிர்ச்சிக்குள்ளாக்கியது.

   தொடரும்


   அன்புடன்

   பாரி தாண்டவமூர்த்தி

OPERATION ஆரியபட்டா பாகம் 3

2011-03-12T08:03:00.000+05:30

முதல் பாகம் படிக்க இங்கேவும் இரண்டாம் பாகம் படிக்க இங்கேவும் அழுத்தவும்.

அவருக்கு அளிக்கப்பட்ட அந்த தண்டனையால் அவருடைய குடும்பமே தற்கொலை செய்து கொள்கிறது. அதற்கு முன் அவர்கள் அந்த கணித மேதை நிச்சயம் தவறு செய்திருக்கமாட்டர் என்று எழுதிவைத்துவிட்டு அவர்கள் மடிந்துவிடுகிறார்கள்.

அடுத்தடுத்து வந்த அதிர்ச்சியில் அந்த கணித வல்லிநரும் உடைந்து போய்விடுகிறார். சிறைச்சாலையில் உள்ள அவர் காண அவரின் நெருங்கிய நண்பரும் சி.பி.ஐ அதிகாரியுமான டிடெக்டிவ் ராஜேஷ் வருகிறார். அவரிடம் கணித வல்லிநர் அந்த தவறை தான் செய்யவில்லை என்று அழுகிறார். ராஜேஷும் பல நாளாக இவரை அறிந்திருப்பதால் இவர் இதை செய்திருக்கமாட்டார் என்று நம்புகிறார்.

அதனால் உச்ச நீதிமன்றத்தில் மேல் முரையீடு செய்கிறார். மேலும் இந்த விசாரனையை செய்ய சி.பி.ஐ க்கு உத்தரவிடும்படி வேண்டுகோண்டிடுக்கிறார். அவரது வேண்டுகோலை ஏற்று சி.பி.ஐ விசாரனைக்கு உத்தரவிடுகிறது உச்சநீதிமன்றம்.

சி.பி.ஐ யும் இந்த விசாரனைக்கு ராஜேஷை தலைமை தாங்கி நடத்தவிடுகிறது. அதற்கு அவர்கள் வைத்த பெயர் ”OPERATIONS ஆரியபட்டா”. முதல் கட்ட விசாரனையில் தவறு என்று சொல்லப்பட்ட கணக்கீடுதல் (calculation) பகுதியை சோதனை செய்தபோது அதில் சில இடங்களில் சில எண்கள் பின்னாளில் சேர்க்கப்பட்டது கண்டுபிடிக்கப்படுகிறது.

ஆனாலும் வேறு எதுவும் சரியாக இல்லை என்பதால் அதை யார் செய்தார்கள் என்று கண்டுபிடிக்கமுடியவில்லை. அதனால் அந்த கணித வல்லுநரே பின்னாளில் அதை செய்திருக்கலாம் என்று ஒரு வாதம் வருகிறது. எழுத்துக்களை ஆராய்ச்சி செய்யும் நிபுனரின் உதவியுடன் அதை எந்த நாளில் எழுதியிருக்கலாம் என்று ஒரு தோராயமான ஒரு கால கட்டம் கண்டுபிடிக்கப்படுகிறது.

அடுத்த கட்ட விசாரனைக்கு அந்த கால கட்டத்தில் விண்கலம் தயார் செய்ய வரைப்படத்தை வரைந்து முடித்து பத்திரமாக வைத்திருந்த இடத்தில் உள்ள காமிராவில் பதிவு செய்யப்பட்ட வீடியோ ஒன்று சி.பி.ஐ.க்கு கிடைக்கிறது. அதில் குறிப்பிட்ட காலத்தில் அங்கு ஒரு உருவம் வந்து வரைபடத்தில் எதையோ எழுதுவது தெரிகிறது. அந்த முகம் மூடியிருப்பதால் அது யார் என்று தெரியவில்லை. ஆனால் அது நிச்சயம் அந்த கணித மேதையில்லை என்று உறுதியாகிறது, ஏனெனில் அந்த உருவம் எழுத இடது கையை உபயோகப்படுத்துகிறது ஆனால், அந்த கணித மேதை வலது கை பழக்கம் உடையவர். அப்பொழுது விசாரனை சூடிபிடிக்கிறது.

தொடரும்...

அன்புடன்

பாரி தாண்டவமூர்த்தி

பிடித்திருந்தால் ஓட்டு போடவும். அப்படியே உங்கள் கருத்துக்களையும் சொல்லிவிட்டு போங்கள்.....

OPERATION ஆரியபட்டா பாகம் 2

2011-03-09T00:41:00.002+05:30

முதல் பாகம் படிக்க இங்கே அழுத்தவும்

சென்ற பாக தொடர்ச்சி.....

விண்கலம் வெடித்து சிதறியது. ஒட்டுமொத்த இந்தியாவும் சோகத்தில் ஆழ்ந்தது. பலர் கண்ணீர் விட்டு அழுதார்கள். என்ன பயன் முடிந்தது முடிந்து விட்டது. அதை மாற்றமுடியாது. அந்த விண்கலத்தை தயார் செய்த குழுவின் தலைவர் அதிர்ச்சியில் எண்ணை ஊற்றி தற்கொலை செய்து இறந்துவிடுகிறார். இது மேலும் ஒரு வலியை ஏற்படுத்திவிட்டது. உலக நாடுகள் வாயலவில் வருத்தம் தெரிவித்துவிட்டு தங்களுக்குள் கொண்டாடினார்கள்.

இந்திய அரசு இதைப்பற்றி விசாரிக்க ஓய்வு பெற்ற நீதிபதி திரு ராதாராமன் தலைமையில் குழு ஒன்று நியமிக்கப்பட்டது. 20 ஆயிரம் கோடி ரூபாய், 12 வீரர்கள், ஒரு விஞ்ஞானி ஆக இந்தியாவிற்கு மிகப்பெரிய இழப்பு. விசாரனையை விரைவில் முடிக்க இந்திய அரசு அந்த குழுவை வற்புறுத்தியது. அவர்களும் விசாரனையை வேகப்படுத்தினார்கள்.

அப்பொழுது விசாரனையில் அவர்கள் விண்கலம் செய்ததில் தவறு நடந்திருக்கலாம் என்று சந்தேகப்பட்டார்கள். மேலும் விசாரனையில் அவர்கள் செய்தபொழுது விண்வெளியில் இருந்து அந்த வீரர்கள் சாகும் முன் இந்தியாவில் இருந்த குழுவுடன் பேசிய வீடியோ ஒன்று கிடைத்தது. அதில் விண்கலத்தில் திடீரென சத்தம் வரத்துவங்கியதாக கூறியது பதிவாகி இருந்தது. அவர்கள் பேசிக்கொண்டிருக்கும் போதே அது வெடித்துவிட்டது.

அவர்கள் சொன்னதை விசாரிக்க ஆரம்பித்ததில் அதில் உள்ள சில பகுதிகளை(PARTS) தயார் செய்ததில் தவறு இருக்குமோ என்று ஒரு சந்தேகம் வந்தது. மேலும் இதில் வெளிநாட்டு சதி இருக்குமோ என்னும் சந்தேகமும் வந்தது அந்த குழுவிற்கு.

விசாரனையில் விண்கலத்தை தயார் செய்ய கொடுத்த அந்த விண்விளியின் வரை படத்தை சோதனை செய்தார்கள். அப்பொழுது அதில் சில இடங்களில் கணக்கீடுதல் (calculation) தவறுதலாக நடந்துள்ளது கண்டுபிடிக்கப்படுகிறது. அதைப்பற்றி அந்த உருவாக்கும் குழுவில் இருந்த கணித வல்லுனருடன் விசாரைனை மேற்கொள்ளப்படுகிறது. அவர் தான் அந்த தவறு செய்யவில்லை எனறு கூறுகிறார்.

விசாரனையில் அவருடைய பெயரில் அமரிக்காவில் 100கோடி மதிப்புள்ள ஒரு சொத்து சமீபத்தில் அவருடைய பெயரில் மாற்றம் செய்யப்பட்டிருக்கிறது தெரியவருகிறது. அதைக்கேட்டு அந்த கணித வல்லுநர் அதிர்ச்சியாகிறார். அதுபற்றி தனக்கு எதுவும் தெரியாது என்று கூறுகிறார். மேலும் சில ஆவனங்கள் அவருக்கு எதிராக இருக்க அவர் தான் தவறு செய்தார் என்று குற்றம் சாட்டி அவருக்கு தேச துரோகத்திற்காக தூக்கு தண்டனை அளிக்கப்படுகிறது

ஆனால் தான் அந்த குற்றம் செய்யவில்லை என்று அவர் கூறுகிறார். தனக்கு தண்டனை அளிக்கப்பட்டதால் அதிர்ச்சியாயிருந்த அவருக்கு மேலும் ஒரு அதிர்ச்சி செய்தி வந்தது.

தொடரும்

அன்புடன்

பாரி தாண்டவமூர்த்தி

பிடித்திருந்தால் ஓட்டு போடவும். அப்படியே உங்க கருத்தையும் சொல்லிவிட்டு போங்க......

பெயர் சரித்திரம்

2011-03-06T07:09:00.001+05:30

போன் வாரம் என்னையும் மதிச்சி தொடர்பதிவு எழுத நம்ம தம்பி கூர்மதியன்(பேரில் மட்டுமே தம்பி. உண்மையில் நானே சின்ன பையன், அவரு பெரிய பையன்)

அதாவது எதுக்காக எனக்கு இந்த பேர வச்சாங்க அப்படினு கேட்டிருந்தார். அதாங்க என் பேரோட தரித்திரம் சரி சரித்திரம்.

என்னோட பெற்றோர் தமிழ் ஆசிரியர்கள். அதானலேயே எங்கள் வீட்டில் எல்லோர் பெயரும் தமிழிலேயே இருக்கும்.

நான் பிறந்தவுடன் ஜாதகப்படி எனக்கு ”ப” வில் ஆரம்பமாகும் பெயர் வைக்கவேண்டும் என்பதால் பல பெயர்கள் யோசிக்கப்பட்டது. பின்னர் பாரி என்று வைக்கப்பட்டுவிட்டது

ஆரம்பத்துல எனக்கு என் பெரு பிடிக்கவே இல்லங்க. காரணம். எங்க வீட்டுல எல்லோருக்கும் பெரிய பெரிய பேரு. எனக்கு மட்டும் பாரினு சின்னதா வச்சுட்டங்களேனு கோபம் வருத்தம் எல்லாம். வீட்டுல கூட இத அடிக்கடி கேட்டிருக்கேன். அவங்க எல்லோருக்கும் பெரிய பேரு இருக்கேனு எனக்கு சின்ன பேரு இருக்கட்டும்னு இத வச்சதா சொல்லுவாங்க

சரி அது போகட்டும்னு அப்பிடியே வருசம் கடந்து பொறியியல் மூனாவது வருசம் வந்த பிறகு என்னோட அப்பா பேரான தாண்டவமூர்த்தி ய என் பேருக்கு பின்னால initial இல்லாம பேராவே சேத்துக்கிட்டேன்.

அப்புறம் எனக்கு என் பேரு ரொம்ப பிடிச்சிடிச்சி. சரி அப்படியே நானும் என் பேர தமிழில் எழுதும்போது பாரி தாண்டவமூர்த்தினும், இங்லீஷ்ல எழுதுனா Pari T Moorthy னும் எழுத ஆரம்பிச்சுட்டேன். இதுதாங்க என் பாருக்கு சாரி பேருக்கு பின்னால இருக்குற சரித்திரம்(!!!)…..

சரி இது ஒரு தொடர் பதிவு. அதனால இத தொடர நம்ம Sakthisatudycenter-கருன் அவர்களையும், தமிழ்வாசி பிரகாஷ் அவர்களையும் கூப்பிடுறேன்.

இன்ப அதிர்ச்சி

2011-02-27T22:53:00.001+05:30

கடந்த வெள்ளிக்கிழமை மதியம் என்னுடைய மின்னஞ்சலை திறந்த எனக்கு ஒரு இன்ப அதிர்ச்சி. திரு சீனா ஐயா அவர்கள் 28 ஆம் தேதி முதல் துவங்கும் வாரத்திற்கு என்னை வலைச்சரத்தில் ஆசிரியராக இருக்க முடியுமா என்று கேட்டிருந்தார். முதலில் பார்த்தவுடன் என்னால் நம்ப முடியவில்லை. இரு வாரங்களுக்கு முன்பு கூட நான் வலைச்சரத்தில் இரண்டாவது முறையாக அறிமுகம் செய்யப்பட்டிருந்தேன். என்ன சொல்வது என்று தெரியவில்லை. சரி வந்த வாய்ப்பை ஏன் விடவேண்டும் என்று நானும் சரி என்று சொல்லிவிட்டேன்.

ஒத்துக்கொண்ட பின்பு தான் எனக்கு ஒருவித பயம். ஏனெனில் இதுவரை எழுதியவர்கள் எல்லாம் சிறப்பாக செயல்பட்டுள்ளார்கள். இப்பொழுது எழுதி முடித்த நண்பன் பிரபாகரனும் பிரமாதமாக கலக்கி இருந்தார். நான் இதையெல்லாம் கெடுத்துவிடுவேனோ என்று ஒரு பயம். சரி எல்லா பாரத்தையும் இறைவனிடம் விட்டுவிட்டு எழுத ஆரம்பித்துள்ளேன்.

ஆகையால் உங்களின் ஆதரவை தருமாறு அன்புடன் கேட்டுக்கொள்கிறேன். தவறுகளே அல்லது ஆலோசனைகளோ எதாவது இருந்தால் சுட்டுக்காட்டவும். என் மின்னஞ்சல் முகவரி- tpari88@gmail.com

பி.கு:- வலைச்சரத்தில் எழுதுவதால் இந்த வாரம் நான் இங்கு எழுதமுடியுமா என்று தெரியவில்லை. ஆதலால் Operation ஆரியபட்டா அடுத்த திங்கள் முதல் தொடரும் என்று சொல்லிக்கொள்கிறேன்.

என்றும் அன்புடன்

பாரி தா

Operation ஆரியபட்டா

2011-02-25T07:09:00.000+05:30

நான் தூக்கத்தில் கண்ட கனவில் என் கற்பனையையும் சேர்த்து இப்பொழுது உங்கள் முன் கதையாக.

2040 ஆம் ஆண்டு இந்த நிகழ்வு நடப்பதாக கற்பனை செய்துகொள்ளுங்கள்.

அந்த நிகழ்வு நடந்தால் இந்தியா உலக அளவில் மிகப்பெரிய நாடாக மாறும். அழிக்க முடியாத, மறுக்க முடியாத சக்தியாக ஆகும். பல நாடுகள் இது இந்தியாவிற்கு சாத்தியம் இல்லை என்கிறார்கள். அவர்களுக்கு பொறாமை இந்தியா உலக அளவில் மிகச்சிறந்த நாடாக மாறிவிடும் என்று.

அந்த நிகழ்வு, நம் பூமியை போலவே உள்ள வேறு கிரகத்திற்கு நாம் விண்கலம் அனுப்புகிறோம். அந்த விண்கலத்தின் பெயர் ஆரியபட்டா. அதுவும் முழுக்க முழுக்க இந்தியாவிலேயே தயாரான விண்கலம் மூலமாக நம் விஞ்ஞானிகள் அங்கு செல்கிறார்கள். கடந்த சில நாட்களாக சில நாடுகள் இந்த முயற்சி எடுத்தும் அது தோல்வியில் போய் முடிந்துவிட்டது. அதனால் அந்த நாடுகள் எல்லாம் இந்தியாவின் முயற்சியும் தோல்வியடைய வேண்டும் என்று வேண்டிக்கொண்டிருக்கிறார்கள்.

நம் இந்தியாவும் 20 ஆயிரம் கோடி செலவு செய்து அந்த விண்கலத்தை தயார் செய்துகொண்டிருக்கிரார்கள். அந்த விண்கலத்தை தயார் செய்ய எட்டு பேர் கொண்ட குழு ஒன்று நியமிக்கப்படுகிறார்கள். அவர்களில் இருவர் இயற்பியல் வல்லுனர்கள், இருவர் வானவியலில் வல்லுனர்கள், இருவர் பொறியியல் வல்லுனர்கள், ஒரு கணித வல்லுனர். இவர்களுக்கு ஒரு தலைவர்.

பணிகள் சரியாக சென்றுகொண்டிருந்தது. இரவு பகல் எனப்பார்க்காமல் உழைத்துக்கொண்டிருந்தார்கள். ஒரு வருட உழைப்பிற்கு பிறகு அனைத்தும் செய்தாகிவிட்டது. எல்லா பகுதிகளும் சரியாக உள்ளதா என்று சரிபார்க்கும் பணி நடந்தது. அதுவும் முடிந்தவுடன் மிக பெருமையாக இந்திய அரசு அந்த விண்கலத்தை விண்ணில் ஏவ ஆகஸ்டு 15ஆம் தேதியை முடிவு செய்தது. இந்தியாவைவிட மற்ற நாடுகள் இதை மிகவும் எதிர்பார்த்துக்கொண்டிருக்கிறது. இதில் மொத்தம் 12 விண்வெளி வீரர்கள் பயணம் செய்கிறார்கள்.

எதிர்பார்த்த அந்த நாள் வந்தது. உலகமே இந்தியாவை பார்த்துக்கொண்டிருந்தது. பிரதமர் தன்னுடைய சுதந்திர தின விழா உரையை முடித்துவிட்டு அங்கிருந்த படியே பெருமையாக விண்கலத்தை ஏவ signal கொடுக்கிறார்.

விண்கலமும் புறப்பட்டு விட்டது. முதல் கட்டத்தை தாண்டியது ஆனைவரும் மிகவும் மகிழ்ச்சி அடந்தார்கள். அப்பொழுது அந்த நிகழ்வு நடந்தது........

தொடரும்......

*****************************************************************************************

என்றும் அன்புடன்,

பாரி.தா

பிடித்திருந்தால் பலருக்கு சென்றடைய உதவுங்கள்......

முடியாதது எதுவும் இல்லை-2

2011-02-24T07:42:00.000+05:30

சென்ற வாரம் FACEBOOK இல் ஒருவரைப்பற்றி படித்தேன். அதை உங்களுடன் நான் இங்கு பகிர்ந்துகொள்கிறேன்.

நாகா நரெஷ் கருடுர(Naga Naresh Karutura) என்னும் மாணவரைப் பற்றிய பதிவு இது. இவர் சென்னை IIT யில் பயின்று கூகுளில்(Google) வேலை செய்ய தேர்வாகியுள்ளார். இது பெரிய சாதனையா என்று நீங்கள் கேட்கலாம். பலர் இதை செய்திருக்கமுடியும்.

இவரின் பெற்றோர்கள் படிப்பறிவில்லாதவர்கள். தங்கள் மகன் படிக்கவேண்டும் என்று அவருக்கு முழு துனையாக இருப்பவர்கள். இதுவும் பெரிய சாதனை இல்லை. ஏனெனில் பல படிப்பறிவில்லாதவர்கள் இதை செய்துள்ளார்கள்.

இவர் அடிக்கடி சொல்வது ”இறைவன் எனக்கு எல்லாம் சரியாக செய்து கொடுத்துள்ளார். எனக்கு என்ன தேவையோ அதை அவர் சரியான நேரத்தில் தந்துள்ளார்” என்பது தான்.

இவர் ஆந்திர பிரதேசத்தை சேர்ந்தவர். சிறுவயதில் மற்ற பிள்ளைகளைப்போல இவரும் ஓடியாடி விளையாடியவர்தான். ஆனால் விதி லாரி ரூபத்தில் வந்தது. ஒரு நாள் இவரின் தந்தையின் நன்பரின் லாரியில் சென்றுகொண்டிருக்கும் போது கதவை இவர் சரியாக மூடாததால், லாரியின் வேகத்தில் அது திறந்து இவர் வெளியே வீசி எரியப்பட்டார். அப்போது அந்த வண்டியில் பின்னே இருந்த கம்பி இவரின் காலை தாக்கியது. உடனே அருகில் இருந்த ஒரு மருத்துவமனைக்கு கொண்டு செல்லப்பட்டார். ஆனால் அவர்கள் இதை விபத்து என்று கூறி சிகிச்சை அளிக்க மறுத்துவிட்டனர்.

அங்கிருந்து வேறு ஒரு மருத்துமனைக்கு எடுத்து செல்லும் முன் அவரின் கால் செல்கள் உயிரிழந்துவிட்டது. அதனால் வேறு வழி இல்லாமல் அதை அகற்றிவிட்டார்கள்.

முதலில் இவர் மிகவும் கஷ்டப்பட்டார். ஆனால் மனம் தளரவில்லை. அவருக்கு தன்னை யாராவது பரிதாபமாக பார்த்தால் பிடிக்காது. பெற்றோர் மற்றும் சகோதரியின் உதவியோடு பள்ளிப்படிப்பை முடித்தார். பின்னர் IIT-JEE கோசிங் படித்தார். பின்னர் தேர்வில் வெற்றிபெற்று இவர் IIT-Chennai யில் சேர்ந்தார். அங்கு உள்ள மாணவர்களின் உதவியுடன் தன் படிப்பை தொடர்ந்தார். இவரின் சீனியர் மானவர்கள் இவருக்காகவே ஒரு விஷேச wheelchair ஒன்றை செய்து தந்தார்கள். விடாமுயற்சியுடன் படித்து இப்போது கூகுளில் வேலைக்கு தேர்வாகியுள்ளார். கால்கள் இல்லை என்று முடங்கிப்போகாமல் உழைத்து வளர்ந்துள்ள இவர் வாழ்க்கையில் பல சாதனைகள் புரிய வாழ்த்துவோமாக…

என்றும் அன்புடன்

பாரி. தா

பிடித்திருந்தால் பலருக்கு சென்றடைய உதவுங்கள். உங்கள் கருத்துக்கள் என்னை முன்னேற உதவும்....

அரசியல் படங்கள் சில

2011-02-22T19:35:00.000+05:30

நன்றி : தினமணி, கூகுள், tamilmakkalkural.blogspot.com

நம்ம பிரதமர் ரொம்ப அப்பாவிங்க....

ஆட்சி மாறினால் கண்டிப்பா கைது தான்... அதான் நம்ம CM ஒரு Practice

தேர்தலுக்கு பின்னாடி எந்த ஆட்சி வந்தாலும் இதற்கு வாய்ப்பு உண்டு

என்ன சொல்லுறதுனே தெரியல

என்றும் மாறா கூட்டணி

இவங்களுக்கு மானம் இருக்குற மாதிரி கேக்குறாங்க

தலைவர்கள் இப்படி தான் நினைப்பார்கள்

இறுதியாக ஒன்று

Spectrum ராஜா Facebook இல் Account வைத்திருந்தால் இப்படிதான் இருந்திருக்கும்

என்றும் அன்புடன்
பாரி . தா

பிடித்திருந்தால் பலருக்கு சென்றடைய உதவுங்கள்......

மு.க. குடும்பம்

2011-02-18T20:23:00.000+05:30

இனையதளத்தில் நான் எனக்கு தேவையான படங்களை தேடிக்கொண்டிருந்தேன். அப்பொழுது எனக்கு நம் தமிழக முதல்வரின் குடும்ப படம் கிடைத்தது.

சரி அதை உங்களுடன் பகிர்ந்து கொள்ளலாம் என்று நினைத்தேன்.

தெரிந்து வைத்துக்கொள்ளுங்கள் இவர்களை…. தமிழகத்தை ஆட்சி செய்ய (கடவுளே காப்பாத்து) இவர்களுக்கு வாய்ப்பு உண்டு.

என்றும் அன்புடன்,

பாரி.தா

Spectrum-நடந்தது என்ன? பாகம்-2

2011-02-16T18:57:00.001+05:30

நேற்றையா பதிவின் தொடர்ச்சி.

முதல் பாகம் படிக்க இங்கே அழுத்தவும்

துரோகம்-1: உரிமம் வாங்கிய அனைத்து நிறுவனங்களும் சுமார் 13000 கோடிக்கும் அதிகம் பொறுமானம் உள்ள(உதாரணம் S .TEL நிறுவனம்13000 கோடிக்கு வாங்க முன்வந்தது) அலைகற்றைகள் உரிமத்தை அடிமாட்டு விலைக்கு அதாவது 1200 , 1300 ,1650 கோடிகளுக்கு திட்டமிட்டு விற்கப்பட்டுள்ளது. அரசுக்கு சேரவேண்டிய, மக்களுக்கு சேர வேண்டிய வருவாய் சில சுய நலவாதிகளை சென்றடைந்துள்ளது.

துரோகம்-2: பெரும்பாலான நிறுவனங்கள் தங்கள் உரிமத்தின் பங்குகளை வெளி நாட்டு நிறுவனங்களுக்கு விற்று கொள்ளை லாபம் பார்த்துள்ளனர். இதனால் அரசுக்கு அதாவது பல கோடி மக்களுக்கு கிடைக்க வேண்டிய அரசின் வருவாய் சில சுய நல தனி மனிதர்களை சென்று அடைந்துள்ளது.

துரோகம்-3: தகுதி இல்லாமல் உரிமம் வாங்கிய 122 நிறுவங்களில் பெரும்பாலான நிறுவனங்கள் இன்னும் சேவையை தொடங்கவில்லை. இதில் "swan, Unitech" போன்ற லெட்டர் பேட் நிறுவனங்களும் அடங்கும். இந்த நிறுவனகள் ஏன் இன்னும் சேவையை தொடங்கவில்லை என்று உள்ளூர ஆராய்ந்தால் மிக தெளிவாக புரியும். பெரிய நிறுவனங்கள் போட்டி இல்லாமல் தொலைதொடர்பு துறையில் கொள்ளை லாபம் பார்க்க அதாவது கட்டணம் என்ற பெயரில் மக்களின் உழைப்பை சுரண்ட பெரும்பாலான தகுதி இல்லாத பினாமி லெட்டர் பேட் நிறுவனங்கள் இன்னும் சேவையை தொடங்கவில்லை.

இவைகள் சேவையை தொடங்கி இருந்தால் சந்தையில் போட்டி அதிகமாகி கைபேசியில் பேசும் கட்டணம் இப்போது இருப்பதை விட மேலும் குறைந்திருக்கும். ஒரு வேளை இதற்காகத்தான் திட்டமிட்டு "S.TEL போன்ற போட்டி நிறுவனங்களுக்கு உரிமம் வழங்கவில்லை என்ற சந்தேகம் தெளிவாக எழுகிறது.

துரோகம்-4: MTNL BSNL போன்ற அரசு நிறுவனங்களுக்கு அதிக அளவில் அலைகற்றைகளை ஒதுக்கி போதிய ஆப்பெரடர்களை நியமித்து இருந்தால் கைபேசியில் பேசும் கட்டணம் நிமிடத்திற்கு வெறும் ஒரு பைசாவுக்கு வந்திருக்கும். மக்கள் அரசினால் பயன் அடைந்து இருப்பார்கள்.

துரோகம்-5: தகுதி இல்லாமல் உரிமம் வாங்கிய லெட்டர் பேட் நிறுவனங்கள் தனது பங்குகளை பல வெளி நாட்டு நிறுவனங்களுக்கு விற்றுள்ளனர். அதில் பாகிஸ்தான் போன்ற நாடுகளும் அடங்கும். இந்தியாவின் தொலை தொடர்பு துறையை இந்த நாடுகளும் பயன்படுத்துகின்றனர். இது உள்நட்டு மக்களின் பாதுகாப்புக்கு மிக பெரிய அச்சுறுத்தல்.

துரோகம்-6: நீரா ராடியா தொலைபேசி உரையாடல்கள், CAG ,தொலைதொடர்பு சம்பந்தபட்ட, கைபற்றபட்ட ஆவணங்கள்,சம்பந்தபட்ட பிரதமர் அலுவலக கடிதங்கள் புறகணிப்பு, சட்ட,நிதி துறை கடிதங்கள் புறகணிப்பு, TRAI பரிதுரைகள் புறகணிப்பு இப்படி கோடி கணக்கில் ஆதாரங்கள், சாட்சிகள். முதலில் வருபவருக்கே முன்னுரிமை என்று முந்தைய ஆட்சியாளர்கள் வகுத்த அடிப்படை கொள்கை கூட பின்பற்றப்படவில்லை. அதிலும் முறைகேடு.

துரோகம்-7: இவ்வளவு குற்றங்கள் செய்தும் சம்பந்தபட்ட குற்றவாளிகள் செய்த தவறை ஒப்பு கொள்ளாமல் நாங்கள் தவறு செய்யவில்லை என்று மக்களிடம் பொய் பிரச்சாரம் செய்வது மக்களுக்கு இழைக்கப்பட்ட ஏழாவது துரோகம். இதன் உச்சகட்டம்தான் 2G யில் ஊழலும் இல்லை நஷ்டமும் இல்லை என்று மத்திய அமைச்சரின் பத்திரிகை பேட்டி. இந்த உலகத்திலே தான் மட்டும்தான் புத்திசாலி வக்கீல் மற்ற அனைவரும் அடி முட்டாள்கள் என்ற ஆணவ நினைப்பு.

துரோகம்-8: நடந்த அனைத்து தேச துரோகங்களும், குற்றங்களும் பொருளாதார மேதை பிரதமருக்கு தெரிந்தே கண்முன்னே நடந்துள்ளது. இருந்தும் பிரதமர் வாய் மூடி மௌனியாக இருப்பது மக்களுக்கு இழைக்கபடும் மகா மகா துரோகம்.

துரோகம்-9: ஸ்பெக்ட்ரம் விவகாரத்தில் முறைகேடாக பெறபட்ட பணங்கள் பெரும்பாலானவை இந்தியாவில் புழக்கத்தில் இல்லாமல் அந்நிய நாடுகளில்,வங்கிகளில் முதலீடு செய்யப்பட்டுள்ளதாக தகவல். இந்த பணம் அரசுக்கு வருவாயாக கிடைத்து இருந்தால் ஏராளமான அரசு கல்லூரிகள், பள்ளிகள், பாலங்கள், மருத்துவமனைகள், தொழிற்சாலைகள் என்று உருவாக்கி அனைவருக்கும் கல்வி,வேலைவாய்ப்பு, அடிப்படை வசதிகள் என்று ஏற்படுத்தி ஏழைகளே இல்லாத நாட்டை உருவாக்கி இருக்கலாம். இலவசங்கள் பெறாத மக்களை கண்டிருக்கலாம்.

துரோகம்-10: ஸ்பெக்ட்ரம் ஊழல் பணத்தை பயன்படுத்தி தலித் பற்றும் பிற இனத்தை சேர்ந்த ஏழை விவசாய மக்களிடம் மிரட்டி விளை நிலங்களை அடிமாட்டு விலைக்கு வாங்கப்பட்டதாக தகவல். இது மக்களுக்கு இழைக்கபட்ட துரோகம் பத்து. ஒரு முறைகேட்டை செய்து அதையே மூலதனமாக வைத்து இன்னொரு முறைகேடு செய்யப்பட்டுள்ளது. ஊழல் செய்வதினால் மக்களுக்கு இழைக்கபடும் துன்பங்களுக்கு இதை விட சிறந்த உதாரணம் வேறென்ன வேண்டும். நண்டு கொழுத்தால் வலையில் தங்காது. இதுதான் ஊழலின் விளைவுகள். இவர்கள் ரத்தம் குடிக்கும் கொசுக்கள் மாதிரி. நம்மிடம் உள்ள ரத்தத்தை உறிஞ்சுவதோடு மட்டும் இல்லை அதோடு சேர்த்து நோய் கிருமிகளையும் நமது ரத்தத்தில் விட்டு செல்கின்றனர்.

இப்படி 2G ஊழலில் மக்களுக்கு இழைக்கபட்ட துரோகங்கள் எண்ணில் அடங்காதது. இந்த ஊழலின் தாக்கம் இதோடு நிற்காது. மக்களைத்தான் சுத்தி சுத்தி அடிக்கும். எப்படி? ஊழல் பணத்தை வைத்து ஏழைகளின் நிலங்கள் அடிமாட்டு விலைக்கு வாங்கப்பட்டு அதை பிளாட் போட்டு அதே மக்களிடம் அதிக விலை வைத்து விற்கப்படுகிறது.

ஒரு ஏக்கரை குறைந்த விலைக்கு விற்ற மக்கள் அந்த பணத்தை வைத்து அதே இடத்தில் அதாவது முந்தைய சொந்த இடத்தில ஒரு கிரௌண்ட் நிலம் கூட வாங்க முடியவில்லை. இதுதான் ஊழலின் விளைவு. இப்போது புரிந்து இருக்கும் ஏழைகள் எப்படி உருவாகிறார்கள் என்று. இது மட்டும் இல்லை ஊழல் பணத்தை வைத்து அனைத்து இடங்களையும் வளைத்து போட்டு ரியல் எஸ்டேட் நடத்தும் அனைத்து அரசியல்வாதிகளும் இப்படி ஊழல் பணத்தில்தான் செய்கின்றனர்.

அவர்கள் சொல்வதுதான் விலை. விலைவாசி உயர்வது இயற்கை அல்ல. அனைத்தும் மிக மிக செயற்கையே. இயற்கை என்று ஆளும் கட்சியினர் கூறுவது தவறு. உண்மையை மூடி மறைக்கும் செயல். இது ரியல் எஸ்டேட் மட்டும் இல்லை. அனைத்து பொருள்களுக்கும் பொருந்தும். குறைந்த விகிதத்தில் உள்ள பணக்காரர்கள் மேலும் பணக்காரர்கள் ஆவார்கள். அதிக விகித்தில் உள்ள நடுத்தர மக்கள், ஏழைகள் மேலும் ஏழைகளாக ஆவார்கள். இந்த ஏழை, பணக்காரன் இடை வெளியை குறைக்கத்தான் அரசாங்கம் ஒன்றை மக்கள் தேர்ந்தெடுக்கிறார்கள்.

இன்று ஆளும் வர்க்கத்தினரே அதற்கு முழு முதல் காரணமாக திகழ்கிறார்கள். சொல்லபோனால் அரசின் கடமைகளை அரசியல்வாதிகளும் மறந்துவிட்டனர். இவர்களை தேர்ந்தெடுக்கும் மக்களும் தங்கள் கடமைகளை மறந்து இலவசத்துக்கு பின் செல்கின்றனர். இலவசம் வாங்கும் மக்களே ஒன்றை நன்றாக தெரிந்து கொள்ளுங்கள்.

உங்கள் உழைப்பு என்னும் மூலதனத்தை மறந்து இலவசம் வாங்குவதால் எத்தனை தலைமுறைகள் கடந்தாலும் நீங்கள் ஏழைகளாகத்தான் இருக்க முடியும். உங்கள் வாழ்கை தரமும் உயரபோவதில்லை. இலவசம் கொடுக்க தேவையான வரிபணத்தை செலுத்தும் உழைக்கும் மக்களின் வாழ்கை தரமும் உயரபோவதில்லை. இது நிச்சயம். மாற்றம் ஒன்றே மாறாதது. இலவசம் மாறவில்லை என்றால் உங்கள் வாழ்கை தரமும் மாறபோவதில்லை.

எனது நோக்கமே இந்த 2G உலக மகா ஊழலால் மக்கள் எவ்வாறு வஞ்சிக்கபட்டார்கள் என்பதை ஒவ்வொரு இந்திய குடிமகனும் பத்திரிகை நிறுவனங்களில் பணிபுரியும் நண்பர்கள் உள்பட அனைவரும் தெரிந்து கொள்ளவேண்டும் என்பதுதான். எனவே தெரிந்துகொள்ளுங்கள், புரிந்துகொள்ளுங்கள். ஒவ்வொரு ஏழை மக்களுக்கும் தெரியபடுத்துங்கள். ரோட்டில் இறங்கிதான் போராடவேண்டும் என்று இல்லை.கொடி பிடிக்க அவசியமும் இல்லை. e -mail, FAX , Facebook , orkutஎன்று எவ்வளவோ தொழில் நுட்ப வசதி உள்ளது. தங்களுக்கு உகந்த ஏதேனும் ஒன்றை தேர்வு செய்து தங்களின் அன்றாட வேலைகள் பாதிக்காத வகையில் சுலபமாக இதை செய்யமுடியும். செய்வீர்கள் என்று நினைக்கிறேன். நன்றி.

spectrum-நடந்தது என்ன??? பாகம் 1

2011-02-15T18:21:00.004+05:30

நண்பர்களே, இது எனக்கு வந்த மின்னஞ்சல். நீங்களும் இதை படிக்கவேண்டும் என்று நான் நினத்தேன். சிலருக்கு இது கிடைத்திருக்கலாம். கிடைக்காதவர்கள், இதை பார்த்து தெரிந்துகொள்ளலாம்.

நீலம் அதிகமாக இருப்பதால் இதை இரண்டு பதிவாக போட உள்ளேன்.

********************************************************************************

இனி எனக்கு வந்த மின்னஞ்சல்

நண்பர்களே!!!

தேசிய அவமானமான ஸ்பெக்ட்ரம் பற்றி நாம் அறிவோம், அதில் ஒண்ணேமுக்கால் லட்சம் கோடி ரூபாய் அளவுக்கெல்லாம் ஊழல் செய்யப்படவேயில்லை என்றெல்லாம் மக்களே பேச ஆரம்பித்துவிட்டனர். ராஜா கைது தான் செய்யப்பட்டாரே தவிர குற்றம் நிரூபிக்கப்படவில்லை, அதுவரை நாங்கள் அவரை அரவணைத்துக் காப்போம் என்கிறார் முதல்வர். இது தினம் ஒரு அறிக்கை வரும் தேர்தல் நேரம்,மக்கள் சிந்திக்க வேண்டிய காலம், அப்படி ஸ்பெக்ட்ரம் ஊழலில் மெய்யாகவே நடந்தது என்ன ?!!! என்பதை துபாயில் பணிபுரியும் சிவக்குமார் என்னும் பொறியாளர் அருமையாக ஆய்வு செய்து எழுதியுள்ளார், இது இப்போது இமெயிலில் வரத்துவங்கிவிட்டது, இனியேனும் நன்கு படித்தவர்கள் அவசியம் சிரமம் பாராமல் சிந்தித்து வாக்களித்து நாட்டைக்காக்கவேண்டும். அவசியம் இதைப்படித்துவிட்டு ஃபேஸ்புக், ஆர்குட், ட்விட்டர் தளங்களில் ஃபார்வர்டும் செய்யவும்.

மக்கள் அனைவரையும் இலவசங்களை மட்டுமே வாங்க தெரிந்த மாக்கான்கள் என்றே நினைத்து விட்டார் நம் முதல்வர். அதற்காகத்தான் தமிழ்நாட்டில் அனைவரும் குழந்தை பெற்றுகொள்கிறார்கள் என்று சொன்னாலும் ஆச்சரிய படுவதற்கு இல்லை. என்னது ஏழைகள் பயன்படுத்தும் அளவிற்கு குறைந்த விலையில் சேவையை கொண்டுவந்தது ராசாவா? மக்களே உண்மையை புரிந்து கொள்ளுங்கள். இந்த புளுகு மூட்டைகளின் பாவத்திற்கு ஆளாகாதீர்கள். விலை குறைந்ததிற்கான காரணத்தை இங்கு குறிப்பிடுகிறேன்.

1999 ஆண்டில் தான் தொலைதொடர்பு உரிமங்கள் வழங்க ஆரம்பிக்கபட்டது. அன்று வெறும் பணம் படைத்தவர்கள் மட்டுமே கைபேசியை பயன்படுத்தினர். எனவே நுகர்வோரின் எண்ணிக்கை மிக குறைவு. சில பல லட்சங்கள் மட்டுமே. தொழில் நுட்பவளமான 1G அல்லது 2G அலைக்கற்றைகள் மிக அதிக அளவில் அரசிடம் கையிருப்பு இருந்துள்ளது. ஆனால் உரிமம் வாங்க உலக அளவிலோ இந்திய அளவிலோ போட்டிகள் இல்லை. விலை கொடுத்து உரிமம் வாங்கியவர்கள் லாபம் பெற நுகர்வோரிடம் நிமிடத்திற்கு அதிக கட்டணம்(In coming and out going ) வசூல் செய்ய கட்டாயம் ஏற்பட்டது. இதில் கவனிக்க வேண்டிய இன்னொரு விஷயம் என்னவென்றால் நாம் தான் வசதி படைத்தவர்களாயிற்றே என்று இஷ்டத்திற்கு பேசி நேரத்தையோ பணத்தையோ அன்றைய வசதி படைத்தவர்கள் விரயம் செய்யவில்லை. குறைவான நேரத்துக்குதான் கைபேசியை பயன்படுத்தினர்.

நுகர்வோரின் எண்ணிக்கை குறைவாக இருந்ததால்தான் அன்று அலைகற்றை உரிமம் பெற அதிக நிறுவனங்கள் முன்வரவில்லை. இதை சரி செய்ய அன்றைய அரசு ஒரு தொலை தொடர்பு புரட்சியை உருவாக்க முயன்றது. விளைவு நாளுக்கு நாள் நுகர்வோரின் எண்ணிக்கை அதிகமானது. இன்றும் அதிகமாகி கொண்டே இருக்கிறது. 2010 நுகர்வோரின் எண்ணிக்கை சுமார் 60 கோடிக்கும் மேல். 2008 இல் 50 கோடிக்கும் மேல்.

இதற்கும் அதிகமான மக்கள் பயன்படுத்தும் அளவுக்கு போதிய அலைகற்றைகள் அரசிடம் இன்றும் உள்ளனர். ஆனால் பயன்படுத்துவோரின் எண்ணிக்கை வெறும் 60 கோடிதான். 122 தகுதி இல்லாத நிறுவனங்களுக்கு உரிமம் வழங்க பட்டுள்ளது. தகுதி என்றால் என்ன? போதிய அனுபவம், வங்கி காசோலை, வங்கி செக்யூரிட்டி டெபொசிட் அது மட்டும் இல்லை வாங்கியவுடன் குறிப்பிட்ட காலத்திற்குள் சேவையை தொடங்க வேண்டும். இந்த குறிப்பை நினைவில் வைத்து கொள்ளுங்கள். பின்னால் உதவும். டாட்டா, ரிலையன்ஸ் போன்ற பெரிய நிறுவனங்களும் உரிமம் வாங்கியுள்ளனர். இதோடு அந்த 122 தகுதி இல்லாத நிறுவனங்களையும் சேர்த்து கொள்ளுங்கள்.

நியாயக் கணக்கு:

இந்தியாவில் 60 கோடி மக்கள் கைபேசி சேவையை பயன்படுத்துவதாக உண்மை தகவல் உள்ளது. எல்லோருக்கும் தெரியும் என்று நினைக்கிறேன். ஒரு நபர் தனது கைபேசியை ஒரு நாளைக்கு சராசரியாக வெறும் 15 நிமிடங்கள் (LOCAL CALLS ONLY)பயன்படுத்துவதாக வைத்துக்கொள்வோம். ஒரு நிமிடத்திற்கு 40 பைசா கட்டணம்.

அப்போது 15x0.40 =6.0 ரூபாய் ஒரு கைபேசியின் மூலம் செலவாகிறது. 60 கோடி கைபேசிகள். 60x6.0 = 360 கோடிகள் ஒரு நாளைக்கு செலவாகிறது. ஒரு மாதத்திற்கு 30x360 = 10,800 கோடிகள். ஒரு வருடத்திற்கு 12x10,800 = 1,29,600 கோடிகள்.2008 இல் 2G ஏலம் விடப்பட்டது. இன்று வரை இரண்டு வருடங்கள் ஆகிறது. அப்போ து குறைந்தபட்ச வருமானம் இன்றுவரை2,59,200 கோடிகள். இது ஒரு நாளைக்கு வெறும் 15 நிமிடங்கள் கைபேசியை பயன்படுத்தினால் இரண்டு வருடத்திற்கு கிடைத்திருக்கும் வருமானம்.

இதோடு SMS, MMS, STD, ISD, சேவை கட்டணம், இணைப்பு கட்டணம்.......இன்னும் என்ன என்னவோ கட்டணங்கள் உள்ளது என்று சொல்கிறார்கள் மற்றும் 15 நிமிடத்திற்கு அதிகமாக பயன்படுத்துவோரின் செலவையும் சேர்த்தால் எத்தனை கோடி கோடிகள் வருமானமாக கிடைக்கும் என்பதை நீங்களே கணக்கிட்டு கொள்ளுங்கள். என்னால் கணக்கிடவே முடியவில்லை. என்னிடம் உள்ள கால்குலேட்டர் மற்றும் கணினி காண்பிப்பது "INFINITIVE". நான் தற்போது இந்தியாவில் இல்லை. இருந்திருந்தால் அனைத்தையும் அலசி ஆராய்ந்து இதைவிட இன்னும் துல்லியமாக நடந்த ஊழலின் அளவை குறிப்பிட்டு இருப்பேன். இந்த வருமானம் அனைத்தும் அரசுக்கு கிடைத்திருக்க வேண்டும். அது மக்களை சென்று அடைந்து இருக்கவேண்டும். கிடைத்ததா?

மக்களை சென்றடைந்ததா? நிச்சயம் இல்லை என்றுதான் ஒவ்வொரு மக்களும் கூறவேண்டும். அப்படி என்றால் இந்த மக்கள் பணம் சட்டத்திற்கு புறம்பாக யாரிடமோ சென்று அடைந்துள்ளது. இந்த ஊழல் பணம் அடுத்த சில ஆண்டுகளில் தனது சொந்தநாட்டு மக்களையே தாக்கப்போகிறது. விலைவாசி உயரும். பொருளாதாரம் நாசாகும். "Above middle Class" மக்கள் நடுத்தர மக்களாகவும், நடுத்தர மக்கள் ஏழைகளாகவும், ஏழை மக்கள் மேலும் பரம ஏழைகளாகவும் மாறுவார்கள்.

ஜனநாயகம் வேரோடு அழியும். மனிதாபிமானம், மனிதநேயம் மண்ணோடு மண்ணாகும். ரௌடிசம்,குற்றசம்பவங்கள் தலைவிரித்து ஆடும். கடந்த ஐந்தாண்டுகளாக ஆயுள் கைதியாக உள்ள நடுநிலை பத்திரிகைகள் இனி மரண தண்டனை கைதிகளாக மாற்றப்பட்டு தூக்கில் போடப்படும்.

மக்களுக்கு நடந்த துரோகங்கள் நாளை

பிடித்திருந்தால் செய்தி பர உதவி செய்யுங்கள்… அப்படியே உங்கள் கருத்துக்களையும் சொல்லிவிட்டு போங்கள்…..

வகுப்பறையில் இன்று

2011-02-14T23:53:00.000+05:30

"Rich get richer and poor get poorer" - இது சிவாஜி படத்தில் ரஜினி அவர்கள் பேசிய வசனம். அவர் மட்டும் அல்ல நான் படிக்கும் கல்லூரியில் வேலை செய்யும் ஒரு பேராசிரியரும் சொல்லும் வசனமும் கூட.

இது பாடங்களுக்கும் சம்பந்தம் இல்லையெனிலும் அவர் பல முறை கூரியவை. அவர் எங்களுக்கு பாடங்கள் கற்பித்ததைவிட வெளியெ போன பிறகும் நாங்கள் வாழும் வாழ்க்கையை பற்றி கூறியது அதிகம்.

குறிப்பாக அவர் இன்று(14-2) வகுப்பறையில் அவர் கூறியது எனக்கு மிகவும் பிடித்திருந்தது.

முடியாதவர்களை பார்த்தால் அவர்களுக்கு யாராவது உதவி செய்வார்களா என்று நாம் எதிர்பார்கிறோமே ஒழிய நாம் உதவுவதில்லை.(அதற்கு அவரது வாழ்விலேயே ஒரு உதாரணம் சொன்னார்.) அது எனக்கு மிகவும் பிடித்திருந்தது.

நாமெல்லாம் 2020இல் இந்தியா வல்லரசாகும், 2050 பொருளாதார வளர்ச்சியில் இந்தியா முதலாவதாக இருக்கும் இரண்டாவதாக இருக்கும் என்று பேசுகிறோம். அதற்கான முயற்சிகளை செய்வதாக அரசாங்கள் சொல்கிறது. ஆனால் இன்றைய நிலைமையை மறந்துவிடுகிறோம். தினமும் இரண்டு வேலை உணவில்லாமல் பலர் உள்ளார்கள். அவர்களை மறந்து விடுறோம். அவர்களுக்கு நம் உதவி தேவை.

நாம் அரசாங்கத்திற்கு கட்டிய வரிகள் நமக்கு நல்லதை செய்ததைவிட பதவியில் இருக்கும் அரசியல்வாதிகளூக்கு சென்றது அதிகம். அவர்களுக்கு நல்லது செய்தது அதிகம். நாம் மிகச்சிறிய அளவில் தவறு செய்தால் தண்டிக்க ஆயிரம் சட்டங்கள். அதுவும் உடனுக்குடன் பெரும்பாலும் கிடைக்கும். ஆனால் பல ஆயிரம் கோடிகள், லட்சம் கோடிகள் ஊழல், லஞ்சம் செய்யும் ஆரசியல் வியாதிகளை தண்டிக்க பல தடைகள். அவர்களைக்காக்க பல பெருந்தலைகள் பல வழிகளில் செயல்படுகிறார்கள்.

அவர் இன்று சொன்ன ஒவ்வொரு கருத்தும் உண்மை. எனக்கு மிகவும் பிடித்திருந்தது. உங்களுக்கும் பிடித்திருந்தால் பலருக்கு சென்றடைய உதவுங்கள். அப்படியே உங்கள் கருத்துக்களை சொல்லிவிட்டு போங்கள்.

முடியாதது எதுவும் இல்லை

2011-02-10T23:01:00.001+05:30

நேற்று இரவு வழக்கம் போல சாப்பாடு முடிந்துவிட்டு மடிக்கணிணியை எடுத்துவைத்து உட்கார்ந்தேன். நான் முன்பே சொன்னது போல எங்கள் கல்லூரியில் உள்ள இனையதள வறைமுறை தூதுவர் மூலமாக ஒரு நன்பனிடமிருந்து ஒரு வீடியோ வந்தது. அனைவரும் நிச்சயம் பார்க்கவேண்டும் என்று குறிப்பிட்டிருந்தார்.

சரி அப்படி என்ன அதில் இருக்கும் என்று நினைத்துக்கொண்டே அதை பதிவிறக்கம் செய்து பார்த்தேன். பார்த்தவுடன் அதை பற்றி பதிவு எழுதவேண்டும் என்று முடிவு செய்தேன். நிக் வுஜிசிக்(NICK VUJICIC) என்பவரின் வீடியோ அது.

நிக் வுஜிசிக்(NICK VUJICIC):

நிக் வுஜிசிக் பிறக்கும் போதே டெட்ரா அமீலியா(Tetra Amelia) என்னும் நோயால் பாதிக்கப்பட்டு கை, கால் இல்லாமல் பிறந்தார். நல்ல திடமான உடம்புடன் பிறந்தவர்களுக்கே வாழ்க்கயில் பல பிரச்சனை. அப்படியிருக்க இவரை நினைத்துப்பாருங்கள்.

சிறு வயதில் இவர் வாழ்க்கையை நொந்து பல முறை தற்கொலைக்கு முயன்றவர். பிறகு தன்னை பார்த்து பலர் மாறுவதைக்கண்ட அவர் அந்த முயற்சியை கைவிட்டார். தன்னைபோல உள்ளவர்களுக்கு முன்மாதிரியாக இருக்க முடிவுசெய்தார்.

வளர்ந்த பிறகு LIFE WITHOUT LIMBS என்னும் தன் ஆர்வ தொண்டு நிறுவனத்தை ஆரம்பித்து நடத்தி வருகிறார். பல இடங்களுக்கு சென்று மக்களால் செய்யமுடியும் என்று ஊக்கபடுத்துகிறார். குறிப்பாக கல்லூரிகளுக்கும் பள்ளிகளுக்கும் சென்று மாணவர்களிடம் முடியும் என்னும் தன்னம்பிக்கையை வளர்த்துவருகிறார்.

மேலும் அவரை பற்றி படிக்க

http://en.wikipedia.org/wiki/Nick_Vujicic

சினிமா நடிகர்களை பற்றி தெரிந்துகொண்டுள்ள நாம் இதுபோல சாதிக்கும் சிலரை பற்றியும் தெரிந்துக்கொள்ளலாமே. இவரின் சில கருத்துக்கள் உங்களுக்கு பிடிகாமலிருக்கலாம் ஆனால் கை, கால் இல்லை என்று மனம் தளராமல் சாதிக்கும் இவரின் மனவலுவை நிச்சயம் பாராட்டதான் வேண்டும்…

பிடித்திருந்தால் பலரை சென்றடைய உங்கள் ஓட்டை போடவும். அப்படியே உங்கள் கருத்துகளையும் சொல்லிவிட்டுபோகவும்…

எப்பிடியெல்லாம் ஏமாத்துறாங்கையா???

2011-02-08T18:13:00.001+05:30

போன வாரம் என் கூட படிக்கிற என் நண்பனுக்கு மின்னஞ்சல் ஒன்னு வந்திருந்தது. அதாவது நீங்க எங்க நிறுவனத்தில வேலை செய்ய தேர்வாயிருக்குறீங்க. அதுவும் அவன் அந்த நிறுவனத்திற்கு விண்ணப்பம் செய்யாமலேயே, அதுவும் மேனேஜர் போஸ்டு. அதனால நீங்க சேருவதுக்கு முன்னாடி இவ்வளவு பணம் கட்டனும் அப்படீன்னு குறிப்பிட்டிருந்தாங்க.

பார்க்க உண்மை மாதிரியே இருந்துச்சு. அந்த மின்னஞ்சல் இருக்குற எல்லா விபரங்களும் சரியா இருந்துச்சு. தொலைபேசி எண், மின்னஞ்சல் முகவரி எல்லாம் உண்மையானது. உண்மையான நிறுவனமே அச்சடிச்ச மாதிரி இருந்துச்சு அது. எதாவது சின்ன நிறுவனமா இருந்தா சரி சான்ஸ் இருக்கு. அதுவும் எந்த வித வேலை அனுபவமும் இல்லாம, இளநிலை பட்டம் மட்டும் வாங்கி இருக்குற என் நண்பன் டாடா நிறுவனத்துல மேனேஜர் வேலைனா?? அப்படியே என் நண்பன் shock ஆயிட்டான்.

முன்பெல்லாம் நீங்க இவ்வளவு ஜெயிச்சிருக்கீங்க, இவ்வளவு கட்டுனா இவ்வளவு கிடைக்கும் அப்படினு மின்னஞ்சல் அனுப்புவாங்க. ஆனா மக்கள் இப்ப உஷாராயிடாங்கனுதும் இப்ப புதுசா நீங்க வேலையில தேர்வாயிருக்கிறீங்கனு அனுப்புறாங்க. ஸ்ஸ்ஸப்ப்பா எவ்வளவு வில்லத்தனம்.

அதனால் இது மாதிரி மின்னஞ்சல் வந்தால் அத உண்மைனு நினைத்து உங்க பணத்த ஏமாந்துறாதீங்க…..உடனே அந்த நிறுவனத்திற்கு மின்னஞ்சல் மூலமாகவோ தொலைபேசி மூலமாகவோ உறுதிபடித்திக்கொண்டு பின்பு உங்கள் முடுவை எடுக்கவும்….

செய்தி மற்றவர்களுக்கு சென்றடைய உதவுங்க….

நேரு குடும்பம்

2011-02-07T00:57:00.001+05:30

நம்ம இந்தியாவை பல ஆண்டுகளாக ஆட்சி செய்துவரும் நேரு குடும்பத்தின் கிளை இதோ. எவ்வளவு பெரிய குடும்பம்...

படத்தை பெரிதாக்கி பார்க்க அதை கிளிக் செய்யவும்

இந்த குடும்பத்த பார்த்து எனக்கு தலையே சுத்துது......

எத்தனை பேரு...

எத்தனை மதம்

இவங்க குடும்பம் எல்லா மதமும் கலந்த கலவை குடும்பம்....

அட நீங்க பார்த்துட்டீங்க...மத்தவங்களும் பார்க்கனும் இல்லையா...அதனால உங்க ஓட்ட போட்டுட்டு போங்க.....

ரிக்கி பாண்டிங்-ஒரு கற்பனை

2011-02-03T22:06:00.000+05:30

படங்களை பெரிதாக்கி பார்க்க அவற்றை கிளிக் செய்யவும்

உங்கள் கருத்துக்களை சொல்லிவிட்டு போங்க.....

பதிவுலகின் எழுச்சி-நம்மால் முடியும்

2011-01-31T23:35:00.004+05:30

என் கடந்தப்பதிவில் (தமிழன் – ஒரு புரியாத புதிர்) திரு. இக்பால் செல்வன் அவர்கள் கருத்துரையில் ஒன்று சொல்லியிருந்தார்.

இக்கூட்டத்தை அரசியலுக்கு அப்பாற்பட்டு ஒன்றிணைக்க வேண்டும் !!! புதிய மாற்றத்தைக் கொண்டு வர வேண்டும் ! ஊழல் செய்தவனை கோவணத்தோடு நாட்டை விட்டு விரட்ட வேண்டும் !!!துனிசியா எகிப்தில் நடுவர்க்க மக்கள் புரட்சி அரசியல் சாராதது,உண்மையானது, எந்த மதம் மொழி இனம் சாராதது, அப்படியான ஒருக் கூட்டம் தமிழகத்தில் சேருமா??? அதற்கு வலைப்பதிவர் எழுத்தில் பேச்சிலும் சொல்லிலும் செயலிலும் என்னச் செய்யப் போகின்றோம் >>>

பேனாவின் முனை வாளைவிடக்கூர்மையானது என்று சொல்வார்கள். எழுதி சாதித்தவர்கள் பலர் உண்டு.

பலரின் அரசியல் வெற்றிக்கு பேனாவே காரணமாக இருந்திருக்கிறது. இப்பொழுது அந்த பேனாவின் புதுவடிவம் தான் நம் வலைப்பூ. நாளுக்கு நாள் இதில் சேருபவர்கள் எண்ணிக்கை ஏறிக்கொண்டே போகிறது. மேலும் பலர் வலைப்பூக்களை பின்தொடர்கிறார்கள். தவறாமல் படிக்கிறார்கள். பதிவர்களின் கருத்து அவர்களுக்கு ஒரு மாற்றத்தை தந்திருக்கிறது. குறிப்பாக மீனவர்களுக்காக நம்மவர்கள் போராட்டம் ஒரு மிகப்பெரிய அலையை எழுப்பியுள்ளது. இது நின்றுவிடக்கூடாது. தொடரவேண்டும்.

எந்த ஒருவரின் வெற்றியையும் தீர்மானிக்கும் சக்தியாக வலைப்பூக்கள் உள்ளது. ஒரு படத்தின் வெற்றி கூட வலைப்பூவால் திர்மானிக்கமுடியும். அதே போல் தேர்தலிலும் சாதிக்கமுடியும். அரசியல்வாதிகளின் போலி முகமூடிகளை நாம் கழற்றி எறிவோம். சாதி, மத அடிப்படையில் மக்களை பிரிக்க நினைப்பவர்களை மக்களிடமிருந்து ஒதுக்கவேண்டும். அவர்களை ஒடுக்கவேண்டும். அவர்களை மக்களுக்கு அடையாளம் காட்டவேண்டும். அவர்கள் மக்களை ஏமாற்றுகிறார்கள் என்பதை புரியவைக்கவேண்டும். அப்படி நடந்தால் திரு. இக்பால் செல்வன் சொன்னது போல ஒரு மாற்றத்தை நம்மால் உருவாக்கமுடியும்.

கருத்து பிடித்திருந்தால் பலருக்கு சென்றடைய உதவுங்கள்.